ପୁରୀ : ଗୁଣ୍ଡିଚା ମନ୍ଦିର ଆଡ଼ପ ମଣ୍ଡପରେ ମହାପ୍ରଭୁଙ୍କୁ ଦର୍ଶନ କଲେ ଯଶୋଦା ବେନ ମୋଦି । ଭାରତର ପ୍ରାଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଧର୍ମପତ୍ନୀ ଯଶୋଦା ବେନ ଆଜି ସପରିବାର ପୁରୀ ଆସି ଶ୍ରୀଗୁଣ୍ଡିଚା ମନ୍ଦିର ଯାଇ ଚତୁର୍ଦ୍ଧାବିଗ୍ରହଙ୍କ ଦର୍ଶନ କରିଛନ୍ତି । ଯଶୋଦା ବେନଙ୍କ ସହ ତାଙ୍କ ଭାଇ, ପୁତୁରା ଓ ବାପ ଘରର ପରିବାରବର୍ଗ ଥିଲେ । ଆଜି ନବମୀ ସନ୍ଧ୍ୟା ଦର୍ଶନରେ ଆଡ଼ପ ମଣ୍ଡପରେ ମହାପ୍ରଭୁଙ୍କୁ ଦର୍ଶନ କରିବା ପରେ ସେ ବେଶ୍ ଭାବବିହ୍ୱଳ ହୋଇ ପଡିଥିଲେ । ଶ୍ରୀମନ୍ଦିର ସିଂହଦ୍ୱାର ପଟେ ପ୍ରବେଶ କରି ନାକଚଣା ଦ୍ୱାର ପଟେ ଫେରିବା ସମୟରେ ରଥ ସମ୍ମୁଖରେ ପୁରା ପରିବାର ସହ ଫଟୋ ମଧ୍ୟ ଉଠାଇଛନ୍ତି ଯଶୋଦା ବେନ । ପୂର୍ବରୁ ସେ ଅନ୍ୟ ସବୁ ଧାମ ପରିଦର୍ଶନ କରିସାରିଥିବା ବେଳେ ଆଜି ପୁରୀ ଧାମ ଆସି ଶ୍ରୀଗୁଣ୍ଡିଚା ମନ୍ଦିର ଜନ୍ମବେଦୀରେ ଚତୁର୍ଦ୍ଧାମୂର୍ତ୍ତୀଙ୍କୁ ଦର୍ଶନ କରି ନିଜକୁ ଭାଗ୍ୟବାନ ମନେ କରିଛନ୍ତି ।
