ଗଞ୍ଜାମ:ବନ ମହୋତ୍ସବ ସପ୍ତାହ ଅବସରରେ ବିଦ୍ୟାଳୟ ଇକୋ କ୍ଳବ ଓ ବନ ବିଭାଗ ତରଫରୁ ସୁକୁଣ୍ଡା ଉଚ୍ଚ ପ୍ରାଥମିକ ବିଦ୍ୟାଳୟରେ ବୃକ୍ଷରୋପଣ ଓ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମକୁ ବିଦ୍ୟାଳୟର ଆଲୁମିନି କାମେଶ୍ୱର ବିଶ୍ୱାଳ, ଫରେଷ୍ଟର ବାବୁ ସେଠୀ, ଇକୋ କ୍ଳବର ସଂଯୋଜକ ଡ଼ ଶଙ୍କର ବେଜ, ବିଦ୍ୟାଳୟ ସଭାପତି ଜିତେନ୍ଦ୍ର ମହାରଣା, ବିଦ୍ୟାଳୟ ପରିଚାଳନା ସଦସ୍ୟ ସଦସ୍ୟା, ବନ ବିଭାଗ କର୍ମଚାରୀ ପ୍ରମୁଖ ଉପସ୍ଥିତ ରହି ପିଲାଙ୍କୁ ଉତ୍ସାହିତ କରିବା ସହ ଚାରାରୋପଣ କରିଥିଲେ । ବିଦ୍ୟାଳୟ ପ୍ରଧାନଶିକ୍ଷକ ନିରଞ୍ଜନ ପଣ୍ଡା ପ୍ରତିବର୍ଷ ଏହିଭଳି କାର୍ଯ୍ୟକ୍ରମକୁ କରି ଆସୁଥିବା କଥା ସମସ୍ତ ଅତିଥି ହୃଦବୋଧ କରି ଆଗକୁ ଏମିତି କାର୍ଯ୍ୟ କରି ପିଲାଙ୍କ ପାଇଁ ଆଦର୍ଶ ହୋଇ ରହିବା ପାଇଁ ପରାମର୍ଶ ଦେଇଥିଲେ । ଏହି କାର୍ଯ୍ୟକ୍ରମରେ ୟୁ. ସୁଲତା ପାତ୍ର, ରୀନା ପାତ୍ର, ପଦ୍ମାବତୀ ସାହୁ, ଏମ୍. ଗୌରୀରାଣୀ, ସୁଚିସ୍ମିତା ମିଶ୍ର, ମଧୁସ୍ମିତା ଦାଶ, ମଞ୍ଜୁଲତା ବେହେରା, କଳ୍ପନା ବାରିକ, ସ୍ନେହଲତା ଡାକୁଆ, ଶୁଭାଙ୍ଗି ମୁଣ୍ଡ ସହ ସମସ୍ତ ଛାତ୍ରଛାତ୍ରୀ ଓ ଗ୍ରାମବାସୀ ଅଂଶ ଗ୍ରହଣ ଓ ପରିଚାଳନା କରିଥିଲେ ।
