ରାୟଗଡା: ରାୟଗଡା ଜିଲ୍ଳା କାଶିପୁର ବ୍ଳକ ଟିକିରି ଥାନା ଅନ୍ତର୍ଗତ କାଳିଆପଡା ଘାଟିରେ ଗତକାଲି ବିଳମ୍ବିତ ରାତ୍ରରେ ଏକ ପ୍ଳାଂଏ ଆସ୍ ବୋଝେଇ ଟିପ୍ପରଟି ଦୁର୍ଘଟଣାଗ୍ରସ୍ତ ହୋଇଛି । ଏଥିରେ ଟିପ୍ପର ଡ୍ରାଇଭରଙ୍କ ମୃତ୍ୟୁ ହୋଇଥିବା ବେଳେ ଗାଡି ଭିତରେ ବସିଥିବା ଅନ୍ୟ ଦୁଇଜଣ ବ୍ୟକ୍ତି ଗୁରୁତର ଭାବେ ଆହତ ହୋଇଥିବା ଜଣାପଡିଛି । ତେବେ ମୃତ ଡ୍ରାଇଭର ଏବଂ ଆହତ ଦୁଇ ଜଣଙ୍କ ପରିଚୟ ମିଳି ପାରି ନ ଥିବା ବେଳେ ଘଟଣାସ୍ଥଳରେ ଟିକିରି ଥାନା ପୋଲିସ ଏବଂ ଅଗ୍ନିଶମ ବାହିନୀ ପଂହଚି ଦୁର୍ଘଟଣା ଗ୍ରସ୍ତ ଟିପ୍ପରକୁ ରାସ୍ତାରୁ ହଟାଇବା ସହ ଗାଡି ଭିତରେ ଚାପି ହୋଇ ରହିଯାଇଥିବା ମୃତ ଡ୍ରାଇଭରଙ୍କ ଶବକୁ ମଧ୍ୟ ଉଦ୍ଧାର କରି ବ୍ୟବଚ୍ଛେଦ ପାଇଁ ରାୟଗଡା ଜିଲ୍ଳା ମୁଖ୍ୟ ଚିକିତ୍ସାଳୟକୁ ପଠାଇଥିବା ଜଣାପଡିଛି ।
