ଫୁଲବାଣୀ :ଆଜି ମଧ୍ୟାହ୍ନ ସମୟରେ ଫୁଲବାଣୀ ମେଡିକାଲ କଲେଜ ପରିସରରେ ଏକ ୫ଫୁଟର ଅଜଗର ସାପ ପଶିଯାଇଥିବା ନେଇ କଲେଜ କାର୍ଯ୍ୟ ନିର୍ମାଣ କରୁଥିବା ସଂସ୍ଥାରୁ ଟିମ୍ ହ୍ୟୁମାନିଟି କନ୍ଧମାଳର ଆବାହକଙ୍କୁ ଯୋଗାଯୋଗ କରାଯାଇଥିଲା । ତୁରନ୍ତ ଟିମର ସ୍ନେକ ହେଲ୍ପଲାଇନ ସଦସ୍ୟ ଭି. ଜଗନ୍ନାଥ ରାଜୁ, ଅନୁପ ବିକ୍ରମ ପାତ୍ର , ରବୀନ୍ଦ୍ର ମହାରଣା, ଶିବପ୍ରସାଦ ପାତ୍ର ଏବଂ ମହେଶ ସୁବୁଦ୍ଧି ଉକ୍ତ ସ୍ଥାନରେ ପହଞ୍ଚି ସାପଟିକୁ ଉଦ୍ଧାର କରି ଦୂର ଜଙ୍ଗଲରେ ଛାଡି ଦେଇଛନ୍ତି । ଟିମ୍ ସଦସ୍ୟଙ୍କ ତତ୍ପରତା ଏବଂ ସାହାସିକ ପଦକ୍ଷେପ ପାଇଁ ସ୍ଥାନୀୟ ଲୋକ ଓ କଲେଜ କର୍ମଚାରୀ ସାଧୁବାଦ ଜଣାଇଛନ୍ତି ।
