ଫୁଲବାଣୀ : କନ୍ଧମାଳ ଜିଲ୍ଲା ଟିକାବାଲି ସ୍ଥିତ ଏ.ଏମ.ସି.ଏସ ମହାବିଦ୍ୟାଳୟରେ ଅଧ୍ୟକ୍ଷ ଦୀନବନ୍ଧୁ ମହାନ୍ତିଙ୍କ ସଭାପତିତ୍ୱରେ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସର୍ବଭାରତୀୟ ସ୍ୱେଚ୍ଛାସେବୀ ଅନୁଷ୍ଠାନ ସାମାଜିକ ସୂଚନା ନୂଆଦିଲ୍ଲୀ ଏହାକୁ ପରିଚାଳନା କରିଥିଲେ । ନିର୍ଦ୍ଦେଶିକା ସାନ୍ତା ଦିଗାଲ ଅତିଥି ପରିଚୟ ପ୍ରଦାନ କରିଥିବା ବେଳେ ସାଧାରଣ ସମ୍ପାଦକ ଲୁକାଶ ଦିଗାଲ, ସହସମ୍ପାଦିକା ଉପାସନା ଓ ସ୍ୱେଚ୍ଛାସେବୀ ରବିଶ ଚନ୍ଦ୍ର ନାୟକ କାର୍ଯ୍ୟକ୍ରମ ପରିଚାଳନା କରିଥିଲେ । ତର୍କ ପ୍ରତିଯୋଗିତାରେ ନିର୍ଝରା ଦିଗାଲ ପ୍ରଥମ, ରୁଦ୍ରପ୍ରସାଦ ଦ୍ୱିତୀୟ,ରଜତ ବେହେରା ତୃତୀୟ ସ୍ଥାନ ଅଧିକାର କରିଥିବା ବେଳେ ପ୍ରବନ୍ଧ ପ୍ରତିଯୋଗିତାରେ ପ୍ରଥମ ବୈଷ୍ଣବୀ ଦେବୀ, ଦ୍ୱିତୀୟ ସୁମନ୍ତୀ ଭୁକ୍ତା , ତୃତୀୟ ସିଲସିଲା ଦିଗାଲଙ୍କୁ ହେଲମେଟ ଓ ଟ୍ରଫି ଦେଇ ପୁରସ୍କୃତ କରାଯାଇଥିଲା । ଅଧ୍ୟାପକ ରତନ ଦିଗାଲ, ସୂରଜ ସାସମଲ, ଅଧ୍ୟାପିକା ମୀରାମ୍ବିକା, ରଶ୍ମିତା ପ୍ରଧାନ, ବିଚାରକ ଥିଲେ । ସୁଶାନ୍ତ କୁମାର ଭୋଳ, ଗଣେଶ ଜଗରଙ୍ଗ ସହଯୋଗ କରିଥିଲେ ।
