ହରଭଙ୍ଗା : ତିଲେଶ୍ୱର -ରାମଗଡ ଆରଡି ରାସ୍ତାଟି ଦବିଯାଇଛି । ଏଣୁ ଏହାକୁ ଶୀଘ୍ର ମରାମତି କରିବାକୁ ଅଂଚଳବାସୀ ଦାବି କରିଛନ୍ତି । ଉକ୍ତ ରାସ୍ତାରେ ତିନୋଟି ଯାତ୍ରୀବାହୀ ବସ ନିତିଦିନିଆ ଯାତାୟତ କରିବା ସହ ଭାରୀଯାନ ଗାଡି ଚଳାଚଳ କରୁଛି । ଏହି ରାସ୍ତା ଉପରେ ତିଲେଶ୍ୱର, ରାମଗଡ ଓ ସାମ୍ପୋଚ ପଞ୍ଚାୟତର ଜନସାଧାରଣ ନିର୍ଭରଶୀଳ । ନିର୍ମାଣାଧୀନ ରାସ୍ତା କାର୍ଯ୍ୟ ନିମ୍ନ ମାନର ହୋଇଥିବାରୁ ଉକ୍ତ ରାସ୍ତାର ମହିବାହାଲ ବୁଲାଣି ନିକଟରେ ରାସ୍ତା ଦବି ଯାଇ ଏକ ବିରାଟ ଖାଲ ଏବଂ ଅନ୍ୟ ପାଖ ରାସ୍ତା ଦବି ଯାଇଛି । ଯାହାକି ଏବେ ଲୋକଙ୍କ ସଚେତନତା ପାଇଁ ତା ଉପରେ ଏକ କଣ୍ଟା ଆବଧ ଦିଆଯାଇଛି । ଟିକେ ଅସାବଧାନ ହେଲେ କିମ୍ବା ଅଜଣା ବ୍ୟକ୍ତି ଅନ୍ୟ ମନସ୍କ ହେଲେ ଦୁର୍ଘଟଣା ଘଟିବା ସୁନିଶ୍ଚିତ । ଏକ ସପ୍ତାହ ବିତିଯାଇଥିଲେ ବି ଉକ୍ତ ପୋଲ ଉପରେ ବିଭାଗର ଦୃଷ୍ଟି ପଡୁନି । ଏଣୁ ଖୁବଶୀଘ୍ର ଦବି ଯାଇଥିବା ରାସ୍ତା ମରାମତି ପାଇଁ ସାଧାରଣରେ ଦାବି ହେଉଛି ।
