ପୁରୀ : ମନମୋହନ ଭଞ୍ଜ ପୁରୀ ଜିଲ୍ଲାର ଜଣେ ଉଦୟମାନ ଟାଏକୋଣ୍ଡୋ କ୍ରୀଡାବିତ । ସେ ଓଡିଶା ତଥା ପୁରୀ ଜିଲ୍ଲାରୁ ଏକ ମାତ୍ର ଟାଏକୋଣ୍ଡୋ ଖେଳାଳି ଭାବେ ବିଶ୍ୱ ଟାଏକୋଣ୍ଡୋ ମୁଖ୍ୟାଳୟ ଦକ୍ଷିଣ କୋରିଆ ସିଓଲ ସ୍ଥିତ କୁକିୟନ ଠାରେ ଚଳିତ ଜୁଲାଇ ମାସ ୬ ତାରିଖରୁ ୧୪ତାରିଖ ପର୍ଯ୍ୟନ୍ତ ଅନ୍ତର୍ଜାତୀୟ ଟାଏକୋଣ୍ଡୋ ମାଷ୍ଟର କୋର୍ସ ଓ ଅନ୍ତର୍ଜାତୀୟ ପୁମ ଓ ଡାନ ବ୍ଲାକ ବେଲ୍ଟ ପରୀକ୍ଷକ କୋର୍ସରେ ସଫଳତା ହାସଲ କରିଛନ୍ତି ।
ଟାଏକୋଣ୍ଡୋ ଖେଳରେ ଅନ୍ତର୍ଜାତୀୟ ମାଷ୍ଟର କୋର୍ସ କରିବାରେ ସେ ପୁରୀ ଜିଲ୍ଲାର ପ୍ରଥମ । ଯାହା ବିଶ୍ୱ ମାନଚିତ୍ର ରେ ଏକ ବଡ ଗର୍ବ ଆଉ ଗୌରବ ଆଣିଦେଛି । ତାଙ୍କୁ ଆଜି ପୂର୍ବାହ୍ନ ରେ ଅତିରିକ୍ତ ଜିଲ୍ଲାପାଳ ପ୍ରଶାସନଙ୍କ କାର୍ଯ୍ୟାଳୟ ଠାରେ ଅତିରିକ୍ତ ଜିଲ୍ଲାପାଳ ପ୍ରଦୀପ କୁମାର ସାହୁ ସମ୍ବର୍ଦ୍ଧିତ କରିବା ସହ ପ୍ରଭୁଙ୍କ ଆଶୀର୍ବାଦରୁ ଆହୁରି ସଫଳତା ହାସଲ କରି ଜିଲ୍ଲା, ରାଜ୍ୟ ଓ ଦେଶ ପାଇଁ ଗୌରବ ଆଣନ୍ତୁ ବୋଲି କହିଥିଲେ । କ୍ରୀଡା ଅଧିକାରୀ ଚନ୍ଦନ କୁମାର ସାହୁ ମଧ୍ୟ କ୍ରୀଡାବିତଙ୍କୁ ଶୁଭେଚ୍ଛା ଜଣାଇଥିଲେ ।
