ଦଶପଲ୍ଲା:ନୟାଗଡ଼ ଅବକାରୀ ବିଭାଗକୁ ମିଳିଛି ବଡ ସଫଳତା । ଦୁଇଟି ସ୍ଥାନରେ ଚଢ଼ାଉ କରି ୬୧ କିଲୋ ଗଞ୍ଜେଇ ଜବତ କରିବା ସହ ଦୁଇଟି କାର ଜବତ କରିଛି । ଘଟଣାରେ ୪ଜଣକୁ ଗିରଫ କରିବାରେ ସଫଳ ହୋଇଛି ଅବକାରୀ ବିଭାଗ । ସୂଚନା ଅନୁଯାୟୀ, ନୟାଗଡ଼ ଓ ଦଶପଲ୍ଲା ଅବକାରୀ ବିଭାଗ ମିଳିତ ଭାବେ ପେଟ୍ରୋଲିଙ୍ଗ କରୁଥିବା ବେଳେ ନୂଆଗାଁ ଅଗ୍ନିଶମ କାର୍ଯ୍ୟାଳୟ ନିକଟରେ ଚଢ଼ାଉ କରି ଏକ କାରକୁ ଜବତ କରିବା ସହ ସେଥିରୁ ୩୦କିଲୋ ଗଞ୍ଜେଇ ବାହାରିଥିଲା । ବୌଦ୍ଧ ଜିଲ୍ଲା ବଦଲା ଗ୍ରାମର ସୁଶାନ୍ତ ବେହେରା ଓ କନ୍ଧମାଳ ଜିଲ୍ଲା ପଣ୍ଡୁଗ୍ରାମର ଦୀପକ ସାହୁଙ୍କୁ ଗିରଫ କରିଛି ଅବକାରୀ ବିଭାଗ । ସେହିପରି ଦଶପଲ୍ଲା ଋତୁରାଜ ହୋଟେଲ ନିକଟରୁ ଚଢ଼ାଉ କରି କାର ଜବତ ସହ ୩୧କେଜି ଗଞ୍ଜେଇ ଜବତ କରାଯାଇଛି । ଘଟଣାରେ ବାହାଡାଝୋଲା ଗ୍ରାମର ରୁଦ୍ରନାରାୟଣ ନାୟକ ଓ ଭୁବନେଶ୍ୱର ଡୁମୁଡୁମା ଅଞ୍ଚଳର କବିର ସାହୁଙ୍କୁ ଗିରଫ କରିଛି ଅବକାରୀ ବିଭାଗ । ଗଞ୍ଜେଇ କାର ଯୋଗେ କନ୍ଧମାଳରୁ ଭୁବନେଶ୍ୱର ଚାଲାଣ ହେଉଥିବା ଅବକାରୀ ଇନ୍ସପେକ୍ଟର କହିଛନ୍ତି ।
