ଦଶପଲ୍ଲା : ଦଶପଲ୍ଲା ବ୍ଲକ୍ କୁଲୁରୁକୁମ୍ପା ଗ୍ରାମ ପଞ୍ଚାୟତଜାମୁସାହି ହାଇସ୍କୁଲ ନିକଟରେ ଥିବା ଏକ ମୁକୁଳା ଟ୍ରାନ୍ସଫର୍ମର ଲାଗି ଗତକାଲି ସଂଧ୍ୟାରେ ଏକ ବଳଦର ମୃତ୍ୟୁ ଘଟିଛି । ବଳଦ ମୃତ୍ୟୁ ସମ୍ପର୍କରେ ଗ୍ରାମବାସୀ ବିଦ୍ୟୁତ୍ ବିଭାଗକୁ ଅବଗତ କରିଥିଲେ ମଧ୍ୟ ବିଦ୍ୟୁତ୍ କର୍ମଚାରୀ ମାନେ ଆସି କେବଳ ଦେଖିଦେଇ ଚାଲି ଯାଇଥିଲେ । ଏହି ମୁକୁଳା ଟ୍ରାନ୍ସଫର୍ମର ନିକଟରେ ଜାମୁସାହି ହାଇସ୍କୁଲର ବହୁ ଛାତ୍ରଛାତ୍ରୀ ଚଳପ୍ରଚଳ କରୁଥିବାବେଳେ ଖେଳପଡିଆଟି ପାଖରେ ଥିବାରୁ ଛୋଟଛୋଟ ପିଲାଙ୍କ ଜୀବନ ପ୍ରତି ବିପଦ ସୃଷ୍ଟି ହେଉଛି । ମୃତ ବଳଦର ମାଲିକ ପାର୍ବତୀ ନାଏକ ଜଣେ ଅସହାୟ ଗରିବ, ନିରାଶ୍ରୟ ମହିଳା ହୋଇଥିବାବେଳ ତାଙ୍କୁ ଉପଯୁକ୍ତ କ୍ଷତିପୂରଣ ଦେବାକୁ ସ୍ଥାନୀୟ ବାସିନ୍ଦା ମାନେ ଦୃଢ଼ ଦାବି କରିଛନ୍ତି ।
