ନୂଆଗାଁ,୨୪/୭ : ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ ସୋରଡ଼ା ଛକ ଠାରୁ ଜଗନ୍ନାଥ ପ୍ରସାଦ ଗ୍ରାମକୁ ଯାଇଥିବା ରାସ୍ତାର ବେଲପା ନଦୀର ଏକ ବ୍ରିଜ ନିର୍ମାଣ ବିଳମ୍ୱ ହେତୁ ସୋରଡ଼ା ପଞ୍ଚାୟତର ଲୋକମାନେ ଆଜି ୫୭ ନଂ ଜାତୀୟ ରାଜପଥ ସୋରଡ଼ା ଛକ ଠାରେ ରାସ୍ତା ଅବରୋଧ କରିଛନ୍ତି । ଯାହାଫଳରେ ଉଭୟ ପାର୍ଶ୍ୱରେ ଶହ ଶହ ଗାଡ଼ି ଛିଡ଼ା ହେବା ଫଳରେ ଯାତାୟତରେ ଲୋକମାନେ ନାହିଁନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ସୂଚନାଥାଉକି ଦୀର୍ଘ ଏହି ବ୍ରିଜ ୩ ତିନିବର୍ଷ ହେଲା ମନ୍ଥର ଗତିରେ ଚାଲିଥିବା ହେତୁ ଏହି ୩ ବର୍ଷ ଭିତରେ ୩ ଥର ରାସ୍ତା ଅବରୋଧ କରିଥିଲେ ମଧ୍ୟ ବିଭାଗୀୟ ଅଧିକାରୀ ଏବଂ ଠିକାଦାରଙ୍କ ମନୋମୁଖୀ କାର୍ଯ୍ୟ ଯୋଗୁଁ ବ୍ରିଜ ନିର୍ମାଣ ବିଳମ୍ୱ ହେଉଥିବା ଜନସାଧାରଣ ସୂଚନା ଦେଇଛନ୍ତି । ଘଟଣାସ୍ଥଳରେ ସ୍ଥାନୀୟ ପ୍ରଶାସନ ଓ ପୋଲିସ ପହଞ୍ଚି ଲୋକମାନଙ୍କୁ ବୁଝାସୁଝା କରୁଛନ୍ତି ।
