ବ୍ରହ୍ମପୁର: ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ଗୁଡିଆଳି ଗ୍ରାମରେ ଘଟିଛି ଅଭାବନୀୟ ଘଟଣା । ନିଜ ଜନ୍ମ କଲା ପୁଅ ସାଜିଲା ସଇତାନ । ଶୋଇଥିବା ସମୟରେ ନିଜ ପରିବାରର ଚାରି ଜଣଙ୍କୁ କଲା ମରଣାନ୍ତକ ଆକ୍ରମଣ । ଆକ୍ରମଣର ଶିକାର ହୋଇଛନ୍ତି ଗୁଡିଆଳି ଗ୍ରାମର ବାପା ହେରେକୃଷ୍ଣ ରେଡ଼ୀ,ମା ପ୍ରମିଳା ରେଡ଼ୀ, ଭାଇ ବୋହୁ ମାମା ରେଡ଼ୀ ଓ ଭଉଣୀ ଦୁଖୀଆମା ରେଡ୍ଡୀ । ଗୁରୁତର ସମସ୍ତେ ଗୋଟିଏ ପରିବାରର ହୋଇଥିବା ବେଳେ ସମସ୍ତେ ଶୋଇଥିବା ସମୟରେ ପୁଅ ପାଣ୍ଡବ ରେଡ଼ୀ ଓ ବୋହୂ ମରଣାସ୍ତ୍ରରେ ଆକ୍ରମଣ କରିଥିବ ସୂଚନା ମିଳିଛି । ସମସ୍ତଙ୍କୁ ଚିକିତ୍ସା ନିମନ୍ତେ ବ୍ରହ୍ମପୁର ଏମକେସିଜି ମେଡିକାଲରେ ଭର୍ତ୍ତି କରାଯାଇଛି । ତେବେ ଆକ୍ରମଣର ପ୍ରକୃତ କରଣ ଅସ୍ପଷ୍ଟ ରହିଥିବା ବେଳେ ପାରିବାରିକ କଳହକୁ କେନ୍ଦ୍ରକରି ଆକ୍ରମଣ ହୋଇଥିବା ଅନୁମାନ କରାଯାଉଛି । ଅନ୍ୟପଟେ ଘଟଣା ନେଇ କବିସୂର୍ଯ୍ୟନଗର ଥାନାରେ କୌଣସି ଅଭିଯୋଗ ହୋଇନଥିବା ସୂଚନା ମିଳିଛି ।
