ନୂଆଗାଁ: ନୟାଗଡ ଜିଲ୍ଲା ସୋରଡା ଭୋଇସାହି ଗ୍ରାମର ଦୁଇଜଣ ନାବାଳକ ପୋଖରୀରେରେ ବୁଡି ମୃତ୍ୟୁକରଣ କରିଛନ୍ତି । ଗାଁ ମୁଣ୍ଡରେ ଥିବା ପୋଖରୀରେ ବୁଡି ଦୁଇବାଳକଙ୍କ ମୃତ୍ୟୁ ହୋଇଛି । ସୂଚନା ଅନୁସାରେ ସୋରଡା ଭୋଇ ସାହିର ମହେଶ ନାୟକକଙ୍କ ପୁଅ ରିତେଶ ନାୟକ (୬ ବର୍ଷ) ଓ ବାବୁ ନାୟକଙ୍କ ପୁଅ ରାକେଶ ନାୟକ (୬ ବର୍ଷ) ଗ୍ରାମ ମୁଣ୍ଡରେ ଥିବା ପୋଖରୀକୁ ଗାଧୋଇବା ପାଇଁ ଯାଇଥିଲେ, ମାତ୍ର ସେମାନେ ଫେରିନଥିଲେ । ଗ୍ରାମର ଲୋକମାନେ ସେହି ପୋଖରୀକୁ ଗାଧୋଇ ଯାଇଥିବା ବେଳେ ଗଙ୍ଗା ନାମ୍ନୀ ଜଣେ ବ୍ୟକ୍ତିଙ୍କ ଗୋଡରେ ବୁଡିଯାଇଥିବା ପିଲାଙ୍କ ଦେହ ବାଜିଥିଲା । ଏହାଦେଖି ସେ ସଙ୍ଗେସଙ୍ଗେ ଗ୍ରାମବାସୀଙ୍କ ସହ ମିଶି ଦୁଇଟି ପିଲାଙ୍କୁ ପାଣିରୁ ଉଦ୍ଧାର କରିଥିଲେ । ପରେ ଅଟୋ ମାଧ୍ୟମରେ ଦଶପଲ୍ଲା ମୁଖ୍ୟ ସ୍ୱାସ୍ଥ୍ୟ କେନ୍ଦ୍ରକୁ ଅଣାଯାଇଥିଲେ ମଧ୍ୟ, ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଦୁଇ ଶିଶୁଙ୍କ ମୃତ୍ୟୁ ପରିବାର ଓ ଗ୍ରାମବାସୀଙ୍କ ମଧ୍ୟରେ ଶୋକର ଛାୟା ଖେଳି ଯାଇଛି ।
