ଚମ୍ପୁଆ: ଚମ୍ପୁଆ ବଜାର ମଧ୍ୟରୁ ଘର ଆଗରେ ବନ୍ଧା ହୋଇଥିବା ଏକ ଛେଳିକୁ ଚୋରି କରି ଲୋକଙ୍କ ହାତରେ ଧରାପଡିଥିବା ଦୁଇ ଅଭିଯୁକ୍ତଙ୍କୁ ଚମ୍ପୁଆ ପୋଲିସରେ ଜିମା ଦେବା ସହିତ ପୋଲିସ କେଶ ନଂ୧୧୧/୨୦୨୩ ରଜୁ କରି ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛନ୍ତି । ଘଟଣା ଅନୁସାରେ ଗତ ଗୁରୁବାର ସକାଳ ୯ ଘଟିକା ସମୟରେ ଓଡି୦୫ବିସି୮୬୨୦ ମାରୁତି ସୁଇଫ୍ଟ କାର ଯୋଗେ ୩ ଜଣ ଚମ୍ପୁଆ ଗୌଡ ସାହିରୁ ମୁଖ୍ୟ ରାସ୍ତାକୁ ଆସୁଥିବା ବେଳେ ରାସ୍ତାକୁ ଲାଗି ବିଶ୍ୱଜିତ ପତିଙ୍କ ଘର ଆଗରେ ବନ୍ଧା ହୋଇଥିବା ଛେଳିକୁ ପଘା ଖୋଲି କାର ଭିତରକୁ ଟେକି ନେଇ ପଳାଇଯାଇଥିଲେ । ବିଶ୍ୱଜିତ ପରିବାର ପକ୍ଷରୁ କାର ପଛରେ ଦୌଡାଇବା ସହିତ ଛେଳି ନେଇଗଲା ଚିତ୍କାର କରିବାରୁ ସ୍ଥାନୀୟ ଲୋକ କାରକୁ ପଛକରି କାଂଜିଆଶୁଳାରୁ ଭଣ୍ଡା ରାସ୍ତାରେ ଗାଡି ଓ ଚୋର ମାନଙ୍କୁ କାବୁ କରିବାରେ ସଫଳ ହୋଇଥିଲେ । ଏହି ଛେଳି ଚୋରିରେ ସମ୍ପୃକ୍ତ ଥିବା ୩ ଜଣଙ୍କ ମଧ୍ୟରୁ ଆନନ୍ଦପୁର ଖୋଲଣା ଅଂଚଳର ପ୍ରତାପ ରାଉତ ଫେରାର ହୋଇଯାଇଥିବା ବେଳେ ଉକ୍ତ ଗ୍ରାମର ଦିପୁ ସେଠୀ ଓ କଟକ ଖୋଲର୍ଦା ଅଂଚଳରେ ନିର୍ମଳ ବେହେରାକୁ ଚମ୍ପୁଆ ଥାନାରେ ହସ୍ତାତନ୍ତର କରିବା ସହିତ ବ୍ୟବହୃତ ଗାଡି ମଧ୍ୟ ହସ୍ତାନ୍ତର କରିଥିଲେ । ସୂଚନାଯୋଗ୍ୟକି ଚମ୍ପୁଆ ସଦର ମହକୁମାରେ ବିଭିନ୍ନ ଅଂଚଳରେ କିଛି ଦିନ ହେବ ଛେଳି ଚୋରି ପ୍ରବଳ ମାତ୍ରାରେ ବୃଦ୍ଧି ପାଇଥିବା ବେଳେ ଏହାର ଟେର ମିଳିପାରୁନଥିଲା ।
