ବୌଦ୍ଧ : ବୌଦ୍ଧ ସହରର ଚନ୍ଦ୍ରଚୂଡ଼ ମହାନଦୀ ଆଳତୀ ଘାଟ ପୂର୍ତ୍ତ ବିଭାଗ ରାସ୍ତା କଡରେ ବିଦ୍ୟୁତ ବିଭାଗର ଟ୍ରାନ୍ସଫର୍ମର ରହିଛି । ବୌଦ୍ଧ ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ସୁଲଭ ଶୌଚାଳୟ କରିବା ପାଇଁ ଗାତ ଖୋଳାଯାଇ ଅଧାରେ କାମ ବନ୍ଦ ରହିଛି । ଗାତରେ ଗାଈଗୋରୁ ପଡି କ୍ଷତ ବିକ୍ଷତ ହେଉଥିବା ଅଭିଯୋଗ ହେଉଅଛି । ସେଠାରେ ଏଗାର କେ. ଭି. ଟ୍ରାନ୍ସଫର୍ମର ପ୍ରତିଷ୍ଠା କରି ବିଦ୍ୟୁତ ଯୋଗାଣ ହେଉଅଛି । ମହାନଦୀର ବନ୍ୟା ପାଣି ଓ ବର୍ଷା ପାଣିରେ ମାଟି ଅତଡ଼ା ଖସି ବିପଦ ସଂକୁଳ ଅବସ୍ଥାରେ ରହିଛି । ଏହାର ତୁରନ୍ତ ସମାଧାନ କରା ନ ଗଲେ ବଡ଼ ଦୁର୍ଘଟଣା ହେବାର ସମ୍ଭାବନା ରହିଛି । ଜିଲ୍ଲା ପ୍ରଶାସନ, ବିଦ୍ୟୁତ ବିଭାଗ ଓ ବିଜ୍ଞାପିତ ଅଞ୍ଚଳ ପରିଷଦ ଦୃଷ୍ଟି ଦେବାକୁ ସ୍ଥାନୀୟ ବାସିନ୍ଦା ଅଭିଯୋଗ ଜଣାଇଛନ୍ତି ।
