ନୂଆପଡ଼ା : ନୂଆପଡ଼ା ଜିଲ୍ଲା ଖଡ଼ିଆଳ ଥାନାରେ ନୂତନ ଭାବରେ ଯୋଗଦାନ କରିଥିବା ଥାନାଧିକାରୀ ପ୍ରଦୀପ ଧରୁଆଙ୍କୁ ନୂଆପଡ଼ା ଡିଷ୍ଟ୍ରିକ ୟୁନିଅନ ଅଫ ଜର୍ଣ୍ଣାଲିଷ୍ଟ ସଙ୍ଘ ତରଫରୁ ସୌଜନ୍ୟମୂଳକ ସାକ୍ଷାତ କରାଯାଇଥିଲା । ଏହି ସାକ୍ଷାତ ସମୟରେ ସଙ୍ଘର ସାଧାରଣ ସମ୍ପାଦକ ଯୁଗଳ କିଶୋର ମହାନନ୍ଦ, ଖଡ଼ିଆଳ ବ୍ଲକ ଉପସଭାପତି ଓମ ପ୍ରକାଶ ଅଗ୍ରୱାଲ, ମାଇକଲ ନନ୍ଦ, ଶ୍ୟାମ ସୁନ୍ଦର ସଗରିଆ,ଗଣେଶ ଚନ୍ଦ୍ର ବାଗ, କାର୍ତ୍ତିକ ମହାନନ୍ଦ, ମୋହନଲାଲ ଦୀପ, ଚନ୍ଦ୍ରଶେଖର ବେହେରା ପ୍ରମୁଖ ଉପସ୍ଥିତ ରହି ଥାନାଧିକାରୀଙ୍କ ସହିତ ଖଡ଼ିଆଳ ଅଞ୍ଚଳର ବିଭିନ୍ନ ସମସ୍ୟା ଉପରେ ଆଲୋଚନା କରାଯାଇଥିଲା । ଖଡ଼ିଆଳ ଥାନାରେ ଯୋଗଦାନ ପୂର୍ବରୁ ସେ କଳାହାଣ୍ଡି ଜିଲ୍ଲା ସଦର ଥାନାରେ ଥାନାଧିକାରୀ ଭାବରେ କାର୍ଯ୍ୟ କରିଥିଲେ । ଖଡ଼ିଆଳ ଅଞ୍ଚଳରେ ଆଇନ ଶୃଙ୍ଖଳା, ଟ୍ରାଫିକ ସମସ୍ୟା, ଚୋରି ଡକାୟତି, ବେଆଇନ ମଦ କାରବାର, ବେଆଇନ ସଟ୍ଟା କାରବାର ଏଭଳି ଲାଗି ରହିଥିବା ଅନେକ ସମସ୍ୟା ଉପରେ ବିସ୍ତୃତ ଭାବରେ ଆଲୋଚନା ହୋଇଥିଲା । ଥାନାଧିକାରୀଙ୍କ ସହ ଏସବୁ ବିଷୟରେ ଆଲୋଚନା ପରେ ଆଗାମୀ ଦିନରେ ସେଥି ପ୍ରତି ଦୃଷ୍ଟି ଦିଆଯିବ ବୋଲି ତାଙ୍କ ମତ ପ୍ରକାଶ କରିଥିଲେ ।
