ହରଭଙ୍ଗା : ବୌଦ୍ଧ ଜିଲ୍ଲା ବୌଦ୍ଧ ବନଖଣ୍ଡ ଦେବଗଡ଼ ବିଟ ବାଙ୍କଦେଇ ସଂରକ୍ଷିତ ଜଙ୍ଗଲରେ ଗତକାଲି ବିଳମ୍ବିତ ରାତ୍ରିରେ ବନ ବିଭାଗର ପେଟ୍ରୋଲିଂ ସମୟରେ ଏକ ଭାଲୁର ମୃତଦେହ ଠାବ କରାଯାଇଥିବା ସୂଚନା ମିଳିଛି । ପେଟ୍ରୋଲିଂ ଟିମ୍ ସନ୍ଧାନ କରିବା ସମୟରେ ଅନ୍ୟ ଏକ ସଦ୍ୟ ଅନ୍ତନାଡି ପୁଟା ଜବତ ହୋଇଥିବା ସାଧାରଣରେ ଚର୍ଚ୍ଚା ହେଉଛି । କେହି କେହି ଏହାକୁ ବାର୍ହାର ଅନ୍ତନାଡି ହୋଇଥିବ ବୋଲି କହୁଥିବା ବେଳେ ଏ ନେଇ ସ୍ପଷ୍ଟ ସୂଚନା ମିଳିପାରିନାହିଁ । ବନ ବିଭାଗର ସୂଚନା ପ୍ରକାରେ ସୋମବାର ରାତିରେ ବନ ବିଭାଗର କର୍ମଚାରୀ ଦେବଗଡ ବିଟ ବାଙ୍କଡେଇ ସଂରକ୍ଷିତ ଜଙ୍ଗଲରେ ପେଟ୍ରୋଲିଂ ସମୟରେ ଉକ୍ତ ଭାଲୁର ଶବ ଓ ଅଜଣା ସଦ୍ୟପୁଟା ଦେଖିବାକୁ ପାଇଥିଲେ । ପେଟ୍ରୋଲିଂ ଦଳରେ ଏସିଏଫ ଆଶିଷ କହଁର, ଫରେଷ୍ଟର ପ୍ରକାଶ ପ୍ରଧାନ, ସ୍ୱାଧୀନ ସାମଲ ଓ ସ୍କାର୍ଡ କର୍ମଚାରୀ ପ୍ରମୁଖ ସାମିଲ ଥିବା ଜଣାପଡିଛି । ଜବତ ଭାଲୁର ମୃତ ଦେହ ଓ ସଦ୍ୟ ପୁଟାକୁ ବ୍ୟବଚ୍ଛେଦ ପାଇଁ ପଠାଯାଇଥିବା ଜଣାପଡିଛି । ରିପୋର୍ଟ ଆସିଲେ ଭାଲୁ ସହିତ ସଦ୍ୟ ପୁଟା କାହାର ତାହା ଜଣାପଡିବ ବୋଲି ଏସିଏଫ ଶ୍ରୀ କହଁର ସୂଚନା ଦେଇଛନ୍ତି ।
