ପୁରୀ : ପୁରୀରେ ପୋଲିସ୍ର ଏନକାଉଣ୍ଟର । ବାସେଳି ସାହୀ ଥାନା ଲୋକନାଥ ମନ୍ଦିର ପଛ ପଟେ ଥିବା ଶଙ୍କରେଶ୍ୱର ଜଙ୍ଗଲରେ ହୋଇଚି ଏନକାଉଣ୍ଟର । ଏଥିରେ ଦୁର୍ଦ୍ଦାନ୍ତ ଅପରାଧୀ ପିନୁ ଓରଫ ପିନାକୀ ବରାଳ ଆହତ ହୋଇଛି । ପୋଲିସ୍ ପକ୍ଷରୁ ହେଇଥିବା ଗୁଳିରେ ପିନାକୀର ବାମ ଗୋଡରେ ଗୁଳି ଲାଗିବାରୁ ସେ ଆହତ ହୋଇଛି । ତେବେ ଆହତ ପିନାକୀକୁ ଚିକିତ୍ସା ପାଇଁ ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ପୋଲିସ୍ ଭର୍ତ୍ତି କରିଚି । ପୋଲିସ୍ର ସୂଚନା ଅନୁଯାୟୀ ପିନୁ ଆଜି ବନ୍ଧୁକ ଧରି କୌଣସି ଏକ ଅପରାଧ ଘଟାଇବାକୁ ପୁରୀ ଆସୁଥିବା ବାସେଲୀ ସାହୀ ଥାନା ଅଧିକାରୀ ମାନସ ବାରିକ ଖବର ପାଇଥିଲେ । ସେ ଓ ତାଙ୍କ ସହଯୋଗୀ ଅଫିସର୍ ପିନୁକୁ ଧରିବା ପାଇଁ ଉଦ୍ୟମ କରିଥିଲେ । ହେଲେ ପିନୁ ପୋଲିସ୍ ଟିମ୍ ଉପରେ ଗୁଳି ଚଳାଇ ଖସି ଯିବାକୁ ଚେଷ୍ଟା କରିଥିଲା । ହେଲେ ପୋଲିସ୍ ଏନ୍କାଉଣ୍ଟରରୁ ବର୍ତ୍ତି ପାରିନଥିଲା ପିନୁ । ପୋଲିସର ଏନ୍କାଉଣ୍ଟରରେ ପିନାକୀ ଆହତ ହୋଇଥିଲା । ତେବେ ପୋଲିସ୍ର ସୂଚନା ଅନୁଯାୟୀ ପିନାକୀ ନାରେ ୧୧ରୁ ଅଧିକ ସଙ୍ଗୀନ ମାମଲା ବିଭିନ୍ନ ଥାନାରେ ରହିଚି । ହତ୍ୟା ଉଦ୍ୟମ, ଡକାୟତି, ଦାଦାବଟି ଭଳି ଅନେକ ସଙ୍ଗୀନ ମାମଲା ରହିଛି । ତେବେ ଆହତ ପିନୁ ଠାରୁ ଏକ ବନ୍ଧୁକ, ୨ ଟି ଗୁଳି, ଏକ ବାଇକ୍ ଜବତ କରିଛି ପୋଲିସ୍ ।
