ବାଲିଗୁଡା : ସକାଳୁ ସକାଳୁ ମର୍ମନ୍ତୁଦ ଦୁର୍ଘଟଣା । ରାସ୍ତାରେ ପଡ଼ିରହିଛି ବୃଦ୍ଧଙ୍କ ମୃତଦେହ । ଆଖିପିଛୁଳାକେ ବୃଦ୍ଧଙ୍କ ଉପରେ ଚଢିଗଲା ମାଲବୋଝେଇ ଟ୍ରକ । ପରିବାର ଲୋକଙ୍କ କହିବାନୁଯାଇ ମାଙ୍କଡ଼ ଘଉଡ଼ାଇବାକୁ କ୍ଷେତକୁ ଯାଉଥିବା ବେଳେ ଡ୍ରହଲା ଶୁକମାଝିଙ୍କ ଉପରେ ଅଚାନକ ଚଢ଼ି ଯାଇଥିଲା ଟ୍ରକ, ଫଳରେ ବୃଦ୍ଧଜଣକର ସମ୍ପୂର୍ଣ୍ଣ ଚି଼ହ୍ନ ବିଛିନ୍ନ ହୋଇ ପିଚୁରେ ମିଶିଯାଇଛି ମାଂସପେଶୀ । ଏହି ଘଟଣା ଘଟିବା ପରେ କୋଟଗଡ ପୁଲିସ ସୂଚନା ପାଇ ଘଟଣା ସ୍ଥଳରେ ପହଂଚିବା ସହ ସମ୍ପୃକ୍ତ ଗାଡିକୁ ଅଟକ ରଖିଛି । ଏନେଇ ମୃତ ଡ୍ରହଲା ଶୁକମାଝିଙ୍କ ପରିବାର ଲୋକେ ଓ ଗ୍ରାମବାସୀ ମିଶି ଦଶ ଲକ୍ଷ ଟଙ୍କା କ୍ଷତି ପୂରଣ ଦାବିରେ ରାସ୍ତାରୋକ କରିବସିଛନ୍ତି । ରାସ୍ତାର ଉଭୟପାର୍ଶ୍ୱରେ ଶତାଧିକ ଗାଡି ଅଟକି ରହିଛି । ମୃତ ବୃଦ୍ଧାଙ୍କ ପରିବାର ଲୋକଙ୍କ କାନ୍ଦ ବୋବାଳିରେ ଫାଟି ପଡୁଛି ପରିବେଶ । ପରିବାରର ମୁରବି ହରାଇ ଭାଙ୍ଗିପଡିଛନ୍ତି ପୁରା ପରିବାର ।
