ସୋନପୁର: ଆଜି ସୋନପୁର କୁଞ୍ଜ ହୋଟେଲ ଛକଠାରେ ସ୍ଥାନୀୟ ପୋଲିସର ଏକ ସ୍ୱତନ୍ତ୍ର ଟିମ ବିଶ୍ୱସ୍ତ ସୂତ୍ରରୁ ଏକ ଗଞ୍ଜେଇ ଚାଲାଣ ଖବର ପାଇ ଦ୍ରୁତ ଗତିରେ ଆସୁଥିବା ଏକ ସୁପର ସ୍ପେଲେଣ୍ଡର ବାଇକକୁ ଅଟକାଇ ଥିଲେ । ଯେଉଁ ଥିରେ କି ମନମୁଣ୍ଡା ଅଞ୍ଚଳର ଦୁଇ ଜଣ ଯୁବକ ସୁମନ୍ତ ରଣା ଓ ଅଙ୍ଗଦ ରଣା ଥିଲେ । ତାଙ୍କୁ ପୋଲିସ ପଚାରିବାରୁ ଆମ ପଛରେ ଏକ ପିକଅପ ଭ୍ୟାନ ଆସୁଥିବା ନେଇ ସୂଚନା ଦେଇଥିଲେ । ଠିକ ୫ ମିନିଟ ପରେ ଓଡି ୧୫- ସି ୩୪୯୨ ନମ୍ବର ବିଶିଷ୍ଟ ପିକଅପ ଭ୍ୟାନ ଆସୁଥିବା ଦେଖି ପୋଲିସ ଅଟକାଇ ଥିଲେ । ଯେଉଁ ଗାଡିରୁ କି ୪ ଟି ବସ୍ତାରେ ସମୁଦାୟ ୧ କ୍ୱିଣ୍ଟାଲ ୧କେଜି ୬୦୦ ଗ୍ରାମ ଗଞ୍ଜେଇ ସହିତ ଉକ୍ତ ବାଇକ ଓ ଦୁଇ ଗୋଟି ମୋବାଇଲ ଜବତ କରିଥିଲେ । ଉକ୍ତ ବାଇକ ଆରୋହୀଙ୍କ ମୁଖ୍ୟ ସହଯୋଗୀ ଡ୍ରାଇଭର ସାହୁପଡା ଅଞ୍ଚଳର ଆକାଶ ବେହେରାଙ୍କୁ ମଧ୍ୟ ଗିରଫ କରିଥିଲେ । ମାମଲା ରୁଜୁ କରି ୩ ଆସାମୀଙ୍କୁ କୋର୍ଟ ଚାଲାଣ କରାଯାଇଥିବା ଆଜି ସନ୍ଧ୍ୟାରେ ଏକ ସାମ୍ୱାଦିକ ସମ୍ମିଳନୀରେ ସୁବର୍ଣ୍ଣପୁର ଏସପି ଅମରେଶ ପଣ୍ଡା ସୂଚନା ଦେଇଛନ୍ତି । ଏହି ସମ୍ମିଳନୀରେ ଥାନା ଭାରପ୍ରାପ୍ତ ଅଧିକାରୀ ପଦ୍ମାସିନୀ ମେହେର ମଧ୍ୟ ଉପସ୍ଥିତ ଥିଲେ ।
