ଚମ୍ପୁଆ : କେନ୍ଦୁଝର ଡିଏଫଓ ଡି. ହନୁମତ ନିର୍ଦ୍ଦେଶକ୍ରମେ ଚମ୍ପୁଆ ରେଞ୍ଜର ଅକ୍ଷୟ ଛତ୍ରିଆଙ୍କ ତତ୍ତ୍ୱାବଧାନରେ, ଫରେଷ୍ଟର କାଳନ୍ଦି ସାମଲ ଉପସ୍ଥିତିରେ ବନବିଭାଗର ଟିମ ପେଟ୍ରୋଲିଂ ଜାରି ରହିଥିବାବେଳେ ଚମ୍ପୁଆ ରେଞ୍ଜର ଅନ୍ତର୍ଗତ କାଳିକା ପ୍ରସାଦ ନିକଟରେ ଏକ ଟାଟା ମ୍ୟାଜିକ୍ ଗାଡିରେ ଚମ୍ପୁଆ ଅଭିମୁଖେ ଚୋରା ଏକଶହଟି ଶାଗୁଆନ ଓ ଗମ୍ଭାରି ପଟା ଧରି ଆସୁଥିବା ଗାଡିକୁ ଧରିବାରେ ସକ୍ଷମ ହୋଇଥିଲା । ତେବେ ଗାଡିର ଡ୍ରାଇଭର ବନ ବିଭାଗ ଟିମକୁ ଦେଖି ଗାଡି ଛାଡି ଚମ୍ପଟ ମାରିବା ସୂଚନା ମିଳିଛି । ବନବିଭାଗ ଟିମ ଗାଡି ସହ କାଠପଟାକୁ ଜବତ କରିଥିଲା । ଯାହାର ମୂଲ୍ୟ ପ୍ରାୟତଃ ତିରିଶ ହଜାର ହେବ ବୋଲି ଫରେଷ୍ଟର ସାମଲ ସୂଚନା ଦେଇଛନ୍ତି ।
