ସମ୍ବଲପୁର: ସମ୍ବଲପୁର ପ୍ରେସ କ୍ଲବରେ ସ୍ଥାନୀୟ ସିଦ୍ଧି ବିନାୟକ ପୂଜା କମିଟି ପକ୍ଷରୁ ଆଜି ଏକ ରକ୍ତଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଦୀର୍ଘ ୧୨ ବର୍ଷ ହେବ ପ୍ରତିବର୍ଷ ଗଣେଶ ପୂଜା ଅବସରରେ ରକ୍ତଦାନ କରି ଅନୁଷ୍ଠାନର ଯୁବକ ମାନେ ସମାଜ ପାଇଁ ନିଜର ଉତ୍ତରଦାୟୀତ୍ୱ ନିର୍ବାହନ କରିଆସୁଛନ୍ତି । ଆଜିର ରକ୍ତଦାନ ଶିବିରକୁ ଅନ୍ତରାଷ୍ଟ୍ରୀୟ ଯୁବ ବୈଜ୍ଞାନିକ ଶେଷଦେବ କିସାନ ଉଦଘାଟନ କରିଥିଲେ । ଏହି ଅବସରରେ ସମ୍ବଲପୁର ପ୍ରେସ କ୍ଲବର ସଭାପତି ତ୍ରିବିକ୍ରମ ପ୍ରଧାନ ଏବଂ ସାଧାରଣ ସମ୍ପାଦକ ଭବାନୀଶ ଭୋଇ ଉପସ୍ଥିତ ଥିଲେ । ଏଥିରେ ୬୦ ରୁ ଉର୍ଦ୍ଧ୍ୱ ୟୁନିଟ ରକ୍ତ ସଂଗ୍ରହ କରାଯାଇଥିଲା । ଏହି ଶିବିରରେ ସମ୍ବଲପୁର ରକ୍ତଭଣ୍ଡାର ଅଧିକାରୀ ଡ. କଲ୍ପେଶ କକ୍କଡଙ୍କ ନେତୃତ୍ୱରେ ତାଙ୍କର କର୍ମଚାରୀମାନେ ସାମିଲ ରହିଥିଲେ । ଉଭୟ କ୍ଲବରେ ସଦସ୍ୟମାନଙ୍କ ସହିତ ସ୍ଥାନୀୟ ଉତ୍ସାହୀ ରକ୍ତଦାତାମାନେ ଏଥିରେ ସକ୍ରିୟତା ଦେଖାଇ ଶିବିରକୁ ସଫଳ କରିବା ପାଇଁ ଚେଷ୍ଟା କରିଥିଲେ । ଏହି ଶିବିର ଆୟୋଜନରେ ସୁବ୍ରତ କୁମାର ପଣ୍ଡା, ରାମଦାସ ପଣ୍ଡା, ପୂର୍ଣ୍ଣଚନ୍ଦ୍ର ବେହେରା, ସୁଧୀର ପୁଜାରୀ, ସୁବ୍ରତ ସାହୁ, ରାଜେଶ ରାଉଲ, ସରୋଜ ନାୟକ, ସାନ୍ତାନୁ ସାହୁ, ଚିତ୍ତରଂଜନ ଭୋଇ, ସୁବ୍ରତ ଦାସ, ହେମନ୍ତ ସାହୁ, ସୁର୍ଯ୍ୟ ସାହୁ, ସୌମ୍ୟ ଦର୍ଶନ ସାହୁ, ମୋନାଲିସା ସାହୁ, ଚିନ୍ତା ବାଗ ସହ ଅନ୍ୟ କର୍ମକର୍ତ୍ତାଗଣ ସହଯୋଗ କରିଥିଲେ ।
