ବୌଦ୍ଧ,୨୫/୯:- ବରିଷ୍ଠ ବିଜେପି ନେତା ତଥା ପୂର୍ବତନ ବିଧାୟକ ପ୍ରାର୍ଥୀ ସୁଶାନ୍ତ ପ୍ରଧାନଙ୍କ ନେତୃତ୍ୱରେ ଆଜି ଚତୁର୍ଥ ଦିନରେ ବୌଦ୍ଧ ନିର୍ବାଚନ ମଣ୍ଡଳୀ ଅନ୍ତର୍ଗତ ମୁଣ୍ଡାପଡ଼ା ଓ ବଘିଆପଡ଼ା ମଣ୍ଡଳର ବିଭିନ୍ନ ଗ୍ରାମ ବୁଲି କେନ୍ଦ୍ର ସରକାରଙ୍କ ମୋ ମାଟି ମୋ ଦେଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କଳସ ଶୋଭାଯାତ୍ରାଟି ପ୍ରଥମେ ଟିକରପଡା ପଞ୍ଚାୟତର ବିରିଗଡ଼ ଗ୍ରାମରେ ପହଞ୍ଚି ସେଠାରେ ଗ୍ରାମ୍ୟଦେବୀଙ୍କ ମନ୍ଦିରରୁ ମୃତ୍ତିକା ସଂଗ୍ରହ କରିବାସହ ଘରଘର ବୁଲି ମୃତ୍ତିକା ସଂଗ୍ରହ କରାଯାଇଥିଲା । ଏହାପରେ ଏହି ଶୋଭାଯାତ୍ରାଟି ଟିକରପଡା, ବଘିଆପଡ଼ା, କମିରା, ପଦ୍ମନପୁର, ମୁକୁନ୍ଦପୁର ଗ୍ରାମ ପରିକ୍ରମା କରି ପ୍ରତି ଘରୁ ମୃତ୍ତିକା ସଂଗ୍ରହ କରାଯାଇଥିଲା ।
ବଘିଆପଡ଼ା ଶିବମନ୍ଦିର ଠାରେ ପଣ୍ଡିତ ଦିନ ଦୟାଲ ଉପାଧ୍ୟାୟଙ୍କ ଜନ୍ମ ଜୟନ୍ତୀ ପାଳନ କରାଯାଇଥିଲା ଓ ସାମୁହିକ ଭୋଜନର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଉକ୍ତ କାର୍ଯ୍ୟକ୍ରମରେ ବରିଷ୍ଠ ବିଜେପିନେତା ଶ୍ରୀ ପ୍ରଧାନ ନେତୃତ୍ୱ ନେଇଥିବାବେଳେ ବ୍ଲକ ଉପାଧ୍ୟକ୍ଷ ସରୋଜ ପ୍ରଧାନ, ବୌଦ୍ଧ ବିଧାନସଭା ସଂଯୋଜକ ଯୁଗଳ କିଶୋର ସାମଲ, ବିଧାନସଭା ପ୍ରଭାରୀ ଇଂ. ରାକେଶ ତ୍ରିପାଠୀ, ବସନ୍ତ ବିଶ୍ୱାଳ, ରଞ୍ଜନ ଖଟୁଆ,ସୁଶାନ୍ତ ଧଳ, ରଞ୍ଜନ ପ୍ରଧାନ, ସୁଧାଂଶୁ ମହାକୁଡ଼ଙ୍କ ସହ ଶତାଧିକ ଜନସାଧାରଣ ଉପସ୍ଥିତ ଥିଲେ ।
