ନନ୍ଦାହାଣ୍ଡି,୯/୧୦:- ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ ଅନ୍ତର୍ଗତ ନନ୍ଦାହାଣ୍ଡି ଛକ ନିକଟରେ ଏକ ଠିଆ ହୋଇଥିବା ଟ୍ରକ୍ର ପଛରେ ମୋଟର ସାଇକେଲ ପିଟିହେବା ଫଳରେ ମୋଟର ସାଇକେଲ ଆରୋହୀଙ୍କ ଘଟଣା ସ୍ଥଳରେ ମୃତ୍ୟୁ ଘଟିଛିି । ଘଟଣା ଅନୁସାରେ ଡଙ୍ଗରଭେଜା ଗ୍ରାମର ମନୋଜ ଭତ୍ରା ନିକଟସ୍ଥ ନନ୍ଦାହାଣ୍ଡି ଗ୍ରାମକୁ ନିଜ ସାଙ୍ଗଙ୍କୁ ଘରେ ଛାଡି ଆସିବା ସମୟରେ ଠିଆ ହୋଇଥିବା ଏପି ୩୧ଟିସି ୫୧୧୫ ନମ୍ବର ଟ୍ରକ ପଛରେ ଧକ୍କା ଦେଇଥିଲା । ଫଳରେ ଡଙ୍ଗରଭେଜା ଗ୍ରାମର ଗଙ୍ଗାଧର ଭତ୍ରାଙ୍କ ୨୫ ବର୍ଷୀୟ ପୁଅ ମନୋଜ ଭତ୍ରାଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା । ଖବରପାଇ ଡଙ୍ଗର ଭେଜା ଫାଣ୍ଡି ଅଧିକାରୀ ଗୁଣନିଧି ବାଘ ପହଞ୍ଚି ଶବକୁ ଜବତ କରିବାସହ ମୃତ ମନୋଜ ଭତ୍ରାଙ୍କ ଶବକୁ ବ୍ୟବଚ୍ଛେଦ ନିମନ୍ତେ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଥିଲେ । ଶବ ବ୍ୟବଚ୍ଛେଦ ପରେ କେସ ନମ୍ବର ୪୧୩/୨୦୨୩ ରେ ଏକା ମାମଲା ରୁଜୁ କରିବା ସହ ଶବକୁ ପରିବାର ବର୍ଗଙ୍କୁ ହସ୍ତାନ୍ତର କରାଯାଇଥିଲା ।
