ନୂଆଗାଁ,୯/୧୦:- ନୟାଗଡ ଜିଲ୍ଲା ନୂଆଗାଁ ବ୍ଲକ ସଦର ମହକୁମାରେ ଥିବା ବିଜୁ ଯୁବ ଭବନରେ ଚୋରୀ ହୋଇଥିବା ଅଭିଯୋଗ ହୋଇଛି । ସୂଚନା ମୁତାବକ ଗତକାଲି ରାତିରେ ଦୃବୃତ୍ତ ମାନେ ବିଜୁ ଯୁବ ଭବନର କାଠର କବାଟକୁ ଧାରୁଆ ଅସ୍ତ୍ରରେ କବାଟ ତାଡି ଭାଙ୍ଗିଥିବା ଦେଖିବାକୁ ମିଳିଛି । ତତ୍ସହିତ ସେହି ଭବନ ମଧ୍ୟରେ ଥିବା ଏସିକୁ ତାଡି ନେଇଯାଇଛନ୍ତି । ଆଜି ସକାଳୁ ସକାଳୁ ସ୍ଥାନୀୟ ଜନସାଧାରଣ ଦେଖିବାକୁ ପାଇଥିଲେ । ତତ ପରେ ନୂଆଗାଁ ଥାନାରେ ଖବର ଦିଆଯାଇଥିଲା । ଘଟଣା ସ୍ଥଳରେ ନୂଆଗାଁ ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିଲା । ଚୋରକୁ ଧରିବା ପାଇଁ ସନ୍ଧାନୀ କୁକୁର ଅଣାଯାଇଥିଲା । ନୂଆଗାଁ ପୋଲିସ ଘଟଣାର ତଦନ୍ତ ଜାରିରଖିଥିବାର ସୂଚନା ମିଳିଛି । ଖବର ସଂଗ୍ରହ ପର୍ଯ୍ୟନ୍ତ ଦୃବୃତ୍ତ ମାନଙ୍କର ସନ୍ଧାନ ମିଳିନାହିଁ । ପୋଲିସ ତଦନ୍ତ ଜାରି ରଖିଛି ।
