ନୂଆଗାଁ : ନୂଆଗାଁ ସଦର ମହକୁମାରେ ଥିବା ଉଚ୍ଚ ମାଧ୍ୟମିକ ବିଦ୍ୟାଳୟ ପରିସର ମଧ୍ୟରେ ରେଡ କ୍ରସ ଅନୁକୂଲ୍ୟରେ ରେଡକ୍ରସ ଉପଦେୟତା ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି । ଚଳିତ ବର୍ଷ +୨ ପ୍ରଥମ ବର୍ଷରେ ନାମଲେଖାଇ ଥିବା ଛାତ୍ରଛାତ୍ରୀଙ୍କୁ ରେଡକ୍ରସର ଉପଦେୟତା ସମ୍ବନ୍ଧରେ ଅବଗତ କରାଇବା ନିମନ୍ତେ ଏକ ଅଧିଷ୍ଠାନ ଉତ୍ସବ ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ଅଧକ୍ଷ ସନ୍ତୋଷ କୁମାର ସାହୁ ସଭାର ମୁଖ୍ୟ ଅତିଥିଭାବରେ ଯୋଗଦେଇଥିଲେ । ରେଡକ୍ରସ ମୁଖ୍ୟ ଆବାହକ ସହଦେବ ବେହେରା,ନୟାଗଡ ଯୋଗଦେଇଥିଲେ । ସଭା ଆରମ୍ଭରେ ଠାକୁରଙ୍କ ପାଖରେ ଧୂପ ଦେଇ ସଭାକୁ ଆରମ୍ଭ କରଯାଇଥିଲା । ସଭାକୁ ଶିକ୍ଷା ବିଭାଗର ଅଧ୍ୟାପକ ଜୟକୃଷ୍ଣ ପରିଚାଳନା କରିଥିଲେ । ଏହି ସଭାର ମୁଖ୍ୟ ଉଦ୍ଦେଶ୍ୟ ଛାତ୍ରଛାତ୍ରୀଙ୍କ ମଧ୍ୟରେ ରେଡକ୍ରସର ଆଭିମୁଖ୍ୟ ଓ ଉପକାରିତ ସମ୍ବନ୍ଧରେ ଗୁରୁତ୍ୱପୂର୍ଣ୍ଣ ତଥ୍ୟ ଆଲୋଚନା କରଯାଇଥିଲା । ସଭା ଶେଷରେ ରେଡକ୍ରସ ପ୍ରୋଗ୍ରାମ ଅଫିସର ଅଧ୍ୟାପକ ସତ୍ୟ ସ୍ୱାଗତ ସାହୁ ଧନ୍ୟବାଦ ଦେଇଥିଲେ । ଏହି ସଭାରେ ବିଦ୍ୟାଳୟର ଅଧ୍ୟାପକ ଅଧ୍ୟାପିକା ମାନେ ଉପସ୍ଥିତ ରହିବା ସହିତ ୧୫୦ ଅଧିକ ଛାତ୍ରଛାତ୍ରୀ ଯୋଗଦେଇଥିଲେ ।
