ହରଭଙ୍ଗା : ବୌଦ୍ଧ ଜିଲ୍ଲା ରେ ମିଶନ ଶକ୍ତି କାଫେ ପୂର୍ବରୁ ୪ଗୋଟି ହୋଇଥିବା ବେଳେ ବୁଧବାର ଦିନ ହରଭଙ୍ଗା ବ୍ଲକ ପରିସରରେ ଭିତରେ ମିଶନ ଶକ୍ତି କାଫେ ଲୋକାର୍ପିତ ହୋଇଯାଇଛି । ଅନୁଷ୍ଠିତ କାର୍ଯ୍ୟକ୍ରମରେ ଜିଲ୍ଲାପାଳ ନୃସିଂହ ଚରଣ ସ୍ୱାଇଁ ଉପସ୍ଥିତ ରହି ଅନୁଷ୍ଠାନିକ ଭାବେ ଲୋକାର୍ପିତ କରିଥିଲେ । ସମ୍ମାନିତ ଅତିଥିଭାବେ ଉକ୍ତ କାର୍ଯ୍ୟକ୍ରମରେ ଜିଲ୍ଲା ପରିଷଦ ନିର୍ବାହୀ ଅଧିକାରୀ ରବିନାରାୟଣ ତ୍ରିପାଠୀ, ହରଭଙ୍ଗା ବିଡ଼ିଓ ସ୍ୱପ୍ନିତା ନାଏକ, ତହସିଲଦାର ଶିବାନୀ ଦାସ, ଡିପିସି ରଶ୍ମି ରଞ୍ଜନ ସେଠି, ଏବିଡିଓ ସୁବାଷ ଚନ୍ଦ୍ର ଯାନୀ ପ୍ରମୁଖ ଉପସ୍ଥିତ ରହିଥିଲେ । ଆଜି ଲୋକାର୍ପିତ ଦିବସରେ କାଫେର ଘରୋଇ ସ୍ୱାଦିଷ୍ଟ ଖାଦ୍ୟ ନିମନ୍ତ୍ରିତ ଅତିଥିଭାବେ, ଗଣମାଧ୍ୟମ ପ୍ରତିନିଧି ଓ ଉପସ୍ଥିତ ଥିବା ଜନ ସାଧାରଙ୍କୁ ପ୍ରଦାନ କରାଯାଇଥିଲା । ଓଡିଶା ସରକାରଙ୍କ ମିଶନ ଶକ୍ତି ଯୋଜନାରେ ସ୍ୱୟଂ ସହାୟକ ଗୋଷ୍ଠୀ ମା ମାନଙ୍କ ଆର୍ଥିକ ବିକାଶ ଓ ସୁଦୃଢ କରିବା ପାଇଁ ସରକାରଙ୍କ ଯୋଜନା ହରଭଙ୍ଗା ବ୍ଲକରେ ଆଜି ଉଚିତ ମାର୍ଗରେ ଚାଲୁଥିବାରୁ ଉପସ୍ଥିତ ଥିବା ସମସ୍ତ ମିଶନ ଶକ୍ତିର ମାମାନେ ରାଜ୍ୟ ସରକାରଙ୍କୁ ଧନ୍ୟବାଦ ଦେଇଥିଲେ । ଉକ୍ତ କାର୍ଯ୍ୟକ୍ରମର ବ୍ଲକର ବିଭିନ୍ନ ସ୍ୱୟଂ ସହାୟକ ଗୋଷ୍ଠୀ, ଅଙ୍ଗନବାଡି କର୍ମୀ ଓ କର୍ମ କର୍ତ୍ତା ସହଯୋଗ କରିଥିଲେ ।
