ଦଶପଲ୍ଲା : ଦଶପଲ୍ଲା ବ୍ଲକ ନନ୍ଦିନୀ ଲେମ୍ବୁଗୋଛା ଗ୍ରାମର ବିଶ୍ୱନାଥ କହଁର (୨୨) ପିତା ସ୍ୱର୍ଗତ ସୁକ୍ରରିଆ କହଁର ଆଜକୁ ୧୦ ମାସପୂର୍ବେ ଗୁଣ୍ଠାପାଜୁ ବାଗଦେବୀ ଯାତ୍ରାରୁ ଦଶପଲ୍ଲା ଥାନା ଅଂଚଳର ଜନୈକା ୧୫ ବର୍ଷୀୟ ନାବାଳିକାକୁ ଏକତରଫା ଭଲପାଇ ତାଙ୍କୁ ଅପହରଣ କରି ନେଇଥିଲେ । ଉକ୍ତ ନାବାଳିକାକୁ ବିଶ୍ୱନାଥ ତାଙ୍କ ଘରେ ୧୦ ମାସ ରଖିବା ପରେ ଅକଥନିୟ ନିର୍ଯାତନା ଦେଇ ନାବାଳିକାକୁ ଆଣି ଗ୍ରାମ ନିକଟସ୍ଥ ଜଙ୍ଗଲରେ ଛାଡ଼ି ଦେଇଥିଲେ । ଏହାପରେ ନାବାଳିକା କାନ୍ଦିକାନ୍ଦି ଆସି ତାଙ୍କ ପିତାଙ୍କୁ ଏ ବିଷୟରେ ଅବଗତ କରାଇଥିଲେ । ନାବାଳିକା ପିତାଙ୍କ ଅଭିଯୋଗ କ୍ରମେ ଗତକାଲି ଅଭିଯୁକ୍ତ ବିଶ୍ୱନାଥଙ୍କୁ ଦଶପଲ୍ଲା ପୋଲିସ ଗିରଫ କରିଥିବାବେଳେ ଆଜି ଦଶପଲ୍ଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଡାକ୍ତରୀ ମାଇନା ପରେ କୋର୍ଟଚାଲାଣ କରିଥିବା ପୋଲିସ ପକ୍ଷରୁ ସୂଚନା ମିଳିଛି ।
