ହରଭଙ୍ଗା :ହରଭଙ୍ଗା ଥାନା ସଙ୍କୁଲୋଇ ଗ୍ରାମର ବିକ୍ରମ ନାଏକ ଓ ସୂର୍ଯ୍ୟ ପ୍ରଧାନ ଏକ ବାଇକ ଯୋଗେ କାମ ସାରି ଚାରିଛକରୁ ନିଜ ଘରକୁ ଆଜି ସନ୍ଧ୍ୟାରେ ଫେରୁଥିବା ବେଳେ ବିପରୀତ ଦିଗରୁ ଓଁକାର ନାମକ ଏକ ଘରୋଇ ବସ ଛତ୍ରରଙ୍ଗରୁ ଚାରିଛକ ଅଭିମୁଖେ ଯାଉଥିବା ବେଳେ କଙ୍କଡାପଥର ଛକରେ ଧକ୍କା ହୋଇଥିଲା । ଏହି ଦୁର୍ଘଟଣା ଫଳରେ ବିକ୍ରମ ନାଏକଙ୍କ ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିବା ବେଳେ ପଛରେ ବସିଥିବା ସୂର୍ଯ୍ୟ ଗୁରୁତର ଆହତ ହୋଇଥିଲେ । ସ୍ଥାନୀୟ ଲୋକେ ଗୁରୁତର ଅବସ୍ଥାରେ ସୂର୍ଯ୍ୟଙ୍କୁ ଉଦ୍ଧାର କରି ପୁରୁଣାକଟକ ଡାକ୍ତରଖାନାରେ ଭର୍ତ୍ତି କରିଥିଲେ । ଅନ୍ୟପଟେ ବସଟି ପୁରୁଣାକଟକ ଥାନାରେ ଆତ୍ମସମର୍ପଣ ଥିବା ପୋଲିସ ପକ୍ଷରୁ ସୂଚନା ମିଳିଥିବା ବେଳେ ହରଭଙ୍ଗା ପୋଲିସର ଘଟଣା ସ୍ଥଳରେ ପହଂଚି ଦୁର୍ଘଟଣାର ତଦନ୍ତ ଜାରି ରଖିଛି ।
