ଦଶପଲ୍ଲା : -ସ୍ୱାମୀ ସାଜିଲା ପିଶାଚକ, ସ୍ତ୍ରୀର କଟାମୁଣ୍ଡ ଧରି ଥାନାରେ କଲା ଆତ୍ମ ସମର୍ପଣ । ନୟାଗଡ ଜ଼ିଲ୍ଲା ଦଶପଲ୍ଲା ବ୍ଲକ ବାଣିଗୋଚ୍ଛା ଥାନା ବିଡାପାଜୁ ଗ୍ରାମରେ ଦେଖାଦେଇଛି ଏହି ଘଟଣା । ଆଜି ସନ୍ଧ୍ୟା ସାଢେ ପାଞ୍ଚଟା ବେଳେ ହରିଶ୍ଚନ୍ଦ୍ର ବାଘଙ୍କ ପୁଅ ଅର୍ଜୁନ ବାଘ (୩୫) ନିଜ ସ୍ତ୍ରୀ ଧରିତ୍ରୀ ବାଘକୁ ଏକ ଧାରୁଆ ଟାଙ୍ଗିଆରେ ହାଣି ହତ୍ୟା କରିବା ପରେ ମୁଣ୍ଡ ଗଣ୍ଡି ଅଲଗା କରି ଦେଇଥିଲେ । ପରେ ସ୍ତ୍ରୀର କଟା ମୁଣ୍ଡକୁ ଏକ ବ୍ୟାଗରେ ଭରି ବାଣିଗୋଚ୍ଛା ଥାନାରେ ଆତ୍ମ ସମର୍ପଣ କରିଥିବା ଜଣାପଡିଛି । ଏହି ଦମ୍ପତିଙ୍କୁ ଦୁଇଜଣ ଶିଶୁ ପୁତ୍ର ଥିବା ବେଳେ ଜଣକର ବୟସ ୪ ବର୍ଷ ହୋଇଥିବା ବେଳେ ଅନ୍ୟ ଏକ ସନ୍ତାନ ମାତ୍ର ୩ ମାସର ବୋଲି ଜଣାପଡିଛି । ପିଶାଚ ବାପାର ଏହିପରି କାଣ୍ଡ ପରେ ଉଭୟ ଶିଶୁ ଏବେ ମାଆ ଛେଉଣ୍ଡ ହୋଇଯାଇଛନ୍ତି । ଏହି ଘଟଣା ଚାରିଆଡେ ପ୍ରଚାର ହେବା ପରେ ଅଂଚଳରେ ଏକ ଚର୍ଚ୍ଚାର ବିଷୟ ହୋଇପଡିଛି
