ହରଭଙ୍ଗା : ପୁରୁଣାକଟକ ଥାନାକୁ ଚାଲେଞ୍ଜ କାରି ପୁଣି ବାଇକ ଚୋରି । ଟେର ପାଉନି ପୋଲିସ । ବାରମ୍ବାର ଚୋରି ପରେ ପୋଲିସ ପ୍ରଶାସନ ଉପରେ ସାଧାରଣ ଜନତାଙ୍କ ଅସ୍ଥା ତୁଟୁଛି । ଯାହାର ସତ୍ୟ ଘଟଣା ଆଜି ବୌଦ୍ଧ ଜିଲ୍ଲା ପୁରୁଣାକଟକ ଥାନା ଅଞ୍ଚଳରେ ଦେଖିବାକୁ ମିଳିଛି । ମିଳିଥିବା ଖବର ଅନୁସାରେ ଗତ କାଲି ରାତ୍ରି ପ୍ରାୟ ୧୦ଘଣ୍ଟା ସମୟରେ ପୁରୁଣାକଟକ ବଜାର ନିକଟସ୍ଥ ରଥସାହିର ମନୋରଞ୍ଜନ ରଣା କାମ ସାରି ନିଜର ବାଇକ୍ ହିରୋ ହୋଣ୍ଡା ଗ୍ଲାମୋର ଓଡି ୨୭ଏ ୪୯୫୯ଯୋଗେ ଘରକୁ ଫେରି ଥିଲେ ଓ ବାଇକ୍ ଟିକୁ ନିଜ ଘର ଅଗଣାରେ ରଖିଥିଲେ । ସକାଳୁ ଉଠି ଦେଖିଲା ବେଳକୁ ବାଇକ୍ଟି ଘର ଅଗଣାରେ ନଥିଲା । ତା ପରେ ସାହିପଡ଼ିଶା ସବୁ ଆଡେ ଖୋଜି ଥିଲେ ହେଲେ ବାଇକର କିଛି ସନ୍ଧାନ ପାଇନଥିଲେ । ଶେଷରେ ପୁରୁଣାକଟକ ଥାନାରେ ଏକ ଲିଖିତ ଅଭିଯୋଗ କରିଥିଲେ । ପୁରୁଣାକଟକ ପୋଲିସ୍ ଅଭିଯୋଗକୁ ଭିତ୍ତି କରି ତଦନ୍ତ ପ୍ରକ୍ରିୟା ଜାରି ରଖିଥିବା ଜଣାପଡିଛି । ସୂଚନାଥାଉ କି ଅନ୍ୟପଟେ ଗତ ୬/୭ ମାସ ତଳେ ଉକ୍ତ ଥାନା ଅଞ୍ଚଳରେ ଏକ ବୁଲେଟ ଚୋରୀ ହୋଇଥଲା ଏବଂ ତାହା ଖଣ୍ଡଗିରି ପୋଲିସ ଉଦ୍ଧାର କରି ଗାଡିର ମାଲିକଙ୍କୁ ହସ୍ତାନ୍ତର କରିଥିଲେ । କିନ୍ତୁ ଏହାର କିଛି ଦିନ ପୂର୍ବରୁ ଉକ୍ତ ଅଞ୍ଚଳରେ ଏବଂ ଚରିଛକ ବଜାର ନିକଟସ୍ଥ ଝାଡ୍ରାଜୀଙ୍ଗ ଅଞ୍ଚଳରେ ଚୋରି ହୋଇଥିବା ବୁଲେଟ ବର୍ତ୍ତମାନ ସୁଦ୍ଧା ମିଳିନାହିଁ । ତେବେ ବାରମ୍ବାର ବାଇକ୍ ଚୋରି ହେବା ଓ ଅଞ୍ଚଳରେ ଏକ ବାଇକ୍ ଚୋରି ରାକେଟ ସକ୍ରିୟ ଥିବା ନେଇ ସାଧାରଣରେରେ ଚର୍ଚ୍ଚାର ବିଷୟ ପାଲଟିଛି ।
