ନନ୍ଦାହାଣ୍ଡି : ଆଜି ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ ଦହଣା ପଞ୍ଚାୟତ ଅନ୍ତର୍ଗତ ନୂଆଗାଁ ଠାରେ ପ୍ରାୟ ୭ ଏକର ଜମିର ୩ ଜଣ ଚାଷୀଙ୍କର ୩ ଗୋଟି ଧାନ ଗଦାରେ ନିଆଁ ଲାଗି ନଷ୍ଟ ହୋଇଯାଇଛି । ଆଜି ଦିନ ଦ୍ୱିପହରରେ ସାଢେ଼ ତିନି ଘଣ୍ଟ ସମୟରେ ନୂଆଗାଁର ତୁଳା ରାମ ମାଝୀ, ନବୀନ ମାଝୀ ଓ ନିରଞ୍ଜନ ମାଝୀଙ୍କ କୌଣସି କାରଣରୁ ୭ ଏକରରୁ ଉର୍ଦ୍ଧ୍ୱ ଜମିର ଧାନ ଗଦାରେ ନିଆଁ ଲାଗି ଯାଇଥିଲା । ନିଆଁ ଲାଗିବାର ଦେଖି ଗ୍ରାମବାସୀ ତୁରନ୍ତ ନିକଟସ୍ଥ ଦହଣା ଗ୍ରାମରେ ଥିବା ଅଗ୍ନିଶମ ବିଭାଗକୁ ସୂଚନା ଦେଇଥିଲେ । ଅଗ୍ନି ଶମ ବିଭାଗ କର୍ମଚାରୀ ପହଞ୍ଚି ନିଆଁ ଆୟତ୍ତ କରିବା ପୂର୍ବରୁ ଅର୍ଦ୍ଧାଧିକ ଧାନ ନଷ୍ଟ ହୋଇଥିବା ସୂଚନା ଦେଇଛନ୍ତି । ଧାର କରଜ ଓ ବ୍ୟାଙ୍କ ୃଋଣ କରି ଧାନ ଚାଷ କରିଥିବା ଯୋଗୁ ଚାଷୀମାନେ ଚିନ୍ତାରେ ଅଛନ୍ତି । ବର୍ତ୍ତମାନ ଧାନ ନଷ୍ଟ ହୋଇଥିବା ଯୋଗୁ ଋଣ କିପରି ପରିଷଦ କରିବେ ଓ କେମିତି ନିଜ ନିଜ ପରିବାର ଚଳାଇବେ ସେଥିପାଇଁ ତାଙ୍କ ମୁଣ୍ଡରେ ଚଡ଼କ ପଡିଛି । ଏ ପରିସ୍ଥିତିରେ ସରକାର ସାହାଯ୍ୟ କରିବା ପାଇଁ ଗ୍ରାମବାସୀ ଦାବି କରିଛନ୍ତି ।
