ପୁରୀ : ପୁରୀ ଅବକାରୀ ଅଧିକ୍ଷକ ଜଗଦୀଶ ଚନ୍ଦ୍ର ସାମଲଙ୍କ ନିର୍ଦ୍ଦେଶକ୍ରମେ ପୁରୀ ଅବକାରୀ ଥାନା ଭାରପ୍ରାପ୍ତ ଅଧିକାରିଣୀ ସ୍ୱୟଂପ୍ରଜ୍ଞା ନାୟକଙ୍କ ନେତୃତ୍ୱରେ ଏକ ଟିମ ଜଣେ ଯୁବକ ଯାହାଙ୍କ ନାମ ରାଜା ସିଂହ (୨୯) ବର୍ଷଙ୍କୁ ବସେଳି ସାହି ଥାନା ଅଧୀନ ମାଷଣିଚଣ୍ଡି ଛକ ସମ୍ମୁଖରୁ ଗିରଫ କରି ତାଙ୍କ ନିକଟରୁ ୭୭ ଗ୍ରାମ ହେରୋଇନ ଏବଂ ବିକ୍ରୀ ଲବ୍ଧ ୨୦,୨୦୦ ଟଙ୍କା ଜବତ କରି ପୁରୀ ଅବକାରୀ ଥାନା କେସ ନଂ -୧୭୬/୨୩-୨୪ରେ କୋର୍ଟ ଚାଲାଣ କରିଛନ୍ତି । ଜାମିନ ନାମଞ୍ଜୁର ହେବାରୁ ପୁରୀ କାରାଗାରକୁ ପଠାଯାଇଛି । ଜବତ ବ୍ରାଉନ ସୁଗାରର ମୂଲ୍ୟ ପ୍ରାୟ ୭,୭୦,୦୦୦/-ଟଙ୍କାରୁ ଉର୍ଦ୍ଧ୍ୱ ହେବ । ଏହି ଚଢ଼ାଉରେ ଅବକାରୀ ଏଏସ୍ଆଇ ମାନସ କୁମାର ମିଶ୍ର, ଅଭିଜିତ ପ୍ରଧାନ, ମିନତି ପରିଡ଼ା, ବିଶ୍ୱଜିତ୍ ମହାପାତ୍ର ପ୍ରମୁଖ ସାମିଲ ଥିଲେ ।
