ନୂଆଗାଁ : ନୂଆଗାଁ ରାଜ୍ୟ ସରକାରଙ୍କ ସୁଚନା ପ୍ରଯୁକ୍ତି ବିଦ୍ୟା ଉପଦେଷ୍ଟା ଅନୁଭବ ପଟ୍ଟନାୟକଙ୍କ ନୂଆଗାଁ ବ୍ଲକରେ ପରିଦର୍ଶନ କରିଛନ୍ତି । ଜନସାଧାରଣଙ୍କ ନିକଟରେ ଇଣ୍ଟର ନେଟ୍ ମାଧ୍ୟମରେ ସରକାରଙ୍କର ସମସ୍ତ ଯୋଜନାକୁ ହାତ ପାହାନ୍ତାରେ ପାଇପାରିବେ ସେ ବ୍ୟବସ୍ଥା କରାଯାଉଆଛି । ସେହି କାର୍ଯ୍ୟର ସୂଚାରୁ ରୂପେ ପାଳନ ହେଉଛି କି ନାହିଁ ତାର ସମସ୍ତ ତଥ୍ୟ ପାଇଁ ଏ ଗସ୍ତ କାର୍ଯ୍ୟକ୍ରମ ହୋଇଥିଲା । ସମସ୍ତ ଡିଜିଟାଲ ସେବା ସଠିକ୍ ଭାବରେ ଜନ ସାଧାରଣ ନିକଟରେ ପହଁଚୁଛି କି ନାହିଁ ସେ ବିଷୟରେ ଆଲୋଚନା କରିଥିଲେ । ତତ ସହିତ ବ୍ଲକ ପରିସରରେ ଥିବା ଆଧାରକେନ୍ଦ୍ର ବୁଲି ଦେଖିଥିଲେ । ବିଭିନ୍ନ ପଞ୍ଚାୟତରେ ଚାଲିଥିବା ମୋ ସେବା କେନ୍ଦ୍ର ମାଧ୍ୟମରେ ସରକାରଙ୍କ ନୂତନ ମୋ ବ୍ୟାଙ୍କ ସେବା ଯାଞ୍ଚ କରିଥିଲେ । ବଡଗୋଠର ପଂଚାୟତର ମୋ ସେବା କେନ୍ଦ୍ର ସହିତ ୫ଟି ସରକାରୀ ଜନ ଶକ୍ତି ହାଇସ୍କୁଲ ଚାହାଳିରେ ପହଁଚି ଏ ଶ୍ରେଣୀଗୃହ ବୁଲିବା ସହିତ ବ୍ୟବହାରିକ ଶିକ୍ଷାଦାନ ସଂପର୍କରେ ଶିକ୍ଷକ ଓ ଛାତ୍ରଛାତ୍ରୀମାନଙ୍କ ସହ ଆଲୋଚନା କରିଥିଲେ । ଅନ୍ୟମାନଙ୍କ ମଧ୍ୟରେ ଇ ଗଭର୍ଣ୍ଣାସ୍ ନୟାଗଡ ଜିଲ୍ଲା ମୁଖ୍ୟ ନିହାର ରଂଜନ ନାୟକ, ବିଏସଏନଏଲ୍ ଏସଡିଓ ସମିର ଦଳେଇ ,ବ୍ଲକ ବିଡିଓ ଶେଷଦେବ ନାୟକ, ସହକାରୀ ଯନ୍ତ୍ରୀ ରାଜେନ୍ଦ୍ର ପ୍ରସାଦ ପଣ୍ଡା ନୂଆଗାଁ ବ୍ଲକ ଆଇଟି ତୁଷାରକାନ୍ତ ପ୍ରାଣିଗ୍ରାହୀ, ପ୍ରଧାନ ଶିକ୍ଷକ ନିରଂଜନ ଦାସ ପ୍ରମୁଖ ଉପସ୍ଥିତ ଥିଲେ ।
