ନୂଆଗାଁ : ନୟାଗଡ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ ସୋରଡ଼ାର ଗଉଡସାହି ଗ୍ରାମର ହିତିକୃଷ୍ଣ ନାୟକଙ୍କ ନାତୁଣୀ କୂଅରେ ପଡ଼ି ମୃତ୍ୟୁବରଣ କରିଛି । ସୂଚନା ଥାଉକି ହିତିକୃଷ୍ଣଙ୍କ ଝିଅ ନିଳେନ୍ଦ୍ରୀ ତିନିବର୍ଷ ତଳେ ସରଣକୁଳ ଆଙ୍ଗିଶୀଙ୍ଗି ଗ୍ରାମର ପ୍ରଭାତ କୁମାର ନାହକଙ୍କ ସହିତ ବାହାଘର ହୋଇଥିଲା । ତାଙ୍କର ଦେଢବର୍ଷର ଝିଅଟିଏ ଥିଲା ତା ନାମ ସାଧନା ପ୍ରିୟଦର୍ଶିନୀ । ଗତ ଦୁଇମାସ ତଳେ ମାଆ ଓ ଝିଅ ବାପ ଘରେ ଆସି ରହିଥିଲେ । ଆଜି ଦିନ ୧୧ ଟା ସମୟରେ ଆଈଙ୍କ ପାଖରେ ନାତୁଣୀ ଥିଲା । ଆଈ ନାତୁଣୀଙ୍କୁ ନେଇ ତା ମାଆ ପାଖରେ ଛାଡି ଆସିଥିଲା । ଆଈକୁ ନିଦ ହୋଇଥିବାରୁ ବାରି ପଛପଟେ ଆସି ଶୋଇପଡିଥିଲେ । ଝିଅ ନିଳେନ୍ଦ୍ରି ତା ମାଆକୁ ମୋ ଝିଅ କୁଆଡେ ଗଲା ବୋଲି ପଚାରିଥିଲେ । ଦୁହେଁ ଖୋଜା ଖୁଜି କଲାପରେ ନ ପାଇଥିବାରୁ କୂଅ ମୂଳେ ଆସି ଦେଖିଥିଲେ । କୂଅରେ ପଡ଼ିଥିବା ଜାଣି ଅଜା କୂଅରେ ପଶି ନାତୁଣୀକୁ ଉଧାର କରି ପରିବାର ଲୋକ ପ୍ରଥମେ ଦଶପଲ୍ଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଓ ପରେ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିଲେ, ସେଠାରେ ଡ଼ାକ୍ତର ମୃତ ଘୋଷଣା କରିଥିଲେ । ଏ ନେଇ ନୂଆଗାଁ ଥାନା ପୋଲିସ ପହଞ୍ଚି କେସ ନଂ ୧୧/୨୩ ରେ ଏକ ଅପମୃତ୍ୟୁ ମାମଲା ରୁଜୁ କରିଛି ।
