ପୁରୀ : କୋଣାର୍କ ନିକଟ ଜୁଣେଇ ରାସ୍ତାରେ ଦୁର୍ଘଟଣା । ରାସ୍ତା କଡ ବରଗଛରେ ପିଟିଲା ଯାତ୍ରୀ ବାହି ଗାଡି । ଦୁର୍ଘଟଣାରେ ୧୨ଜଣ ଆହତ ହୋଇଥିବା ବେଳେ ୪ଜଣ ଗୁରୁତର ଆହତ ହୋଇଛନ୍ତି ।ଏମାନଙ୍କ ମଧ୍ୟରେ ଶିଶୁଥିବା ସୂଚନା ମିଳିଛି । ଦୁର୍ଘଟଣା ଘଟାଇ ଘଟଣା ସ୍ଥାନରୁ ଡ୍ରାଇଭର ଫେରାର ହୋଇଯାଇଛି । କୋଣାର୍କ ପୋଲିସ ଗାଡିକୁ ଜବତ କରି ତଦନ୍ତ କରୁଥିବା ଜଣାପଡିଛି । ସୂଚନା ଅନୁସାରେ ଗୋଟିଏ ପରିବାରର ୧୩ ଜଣ ଲୋକେ ଭଦ୍ରକ ଜିଲ୍ଲା ତିହିଡି ବ୍ଲକ ବିରାହାଟ ଗାଁରୁ ୟୁଙ୍ଗର ଗାଡ଼ିରେ କୋଣାର୍କ ଓ ପୁରୀ ବୁଲିବାକୁ ଆସୁଥିବା ବେଳେ କୋଣାର୍କ ନିକଟ ଜୁଣେଇ ବଜାର ନିକଟସ୍ଥ ଏକ ବରଗଛ ପିଟି ହୋଇ ଗାଡି ଓଲଟି ପଡିଥିଲା । ଆଜି ଭୋର ପ୍ରାୟ ସାଢେ ତିନିଟା ରାତିରେ ଘଟିଛି ଏଭଳି ଘଟଣା । ଖବର ପାଇଁ ୧୦୮ ଆମ୍ବୁଲାନ୍ସ ଓ କୋଣାର୍କ ଚମ୍ପାହର ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ଦୁର୍ଘଟଣାରେ ଆହତ ଓ ଗୁରୁତର ମାନଙ୍କୁ ପ୍ରଥମେ ଗୋପ ଡାକ୍ତରଖାନାରେ ଭର୍ତ୍ତି କରିଥିଲେ । ପରେ ସମସ୍ତଙ୍କୁ ପ୍ରାଥମିକ ଚିକିତ୍ସା କରାଯାଇ ଭୁବନେଶ୍ୱରର ୬ ନମ୍ବର ଡାକ୍ତରଖାନାରକୁ ପଠା ଯାଇଛି । ଗାଡିଟି ଦ୍ରୁତ ଗତିରେ ଯାଉଥିବା ବେଳେ ଡ୍ରାଇଭରଙ୍କ ଆଖି ପଡିଯିବାରୁ ଏଭଳି ଦୁର୍ଘଟଣା ହୋଇଥିବା ନେଇ ଅନୁମାନ କରାଯାଉ ଥିବା ବେଳେ କୋଣାର୍କ ପୋଲିସ ପହଞ୍ଚି ଗାଡିକୁ ଜବତ କରିଛି ।
