ହରଭଙ୍ଗା : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍ ଅନ୍ତର୍ଗତ ଲାଲ୍ ବାହାଦୁର ବିଦ୍ୟାପୀଠ ଖେଳ ପଡିଆ ତିଲେଶ୍ୱର୍ଠାରେ ବହୁ ପୁରାତନ ୨୦ତମ ରାଜ୍ୟସ୍ତରୀୟ ତିଲେଶ୍ୱର କପ୍ ସୋମବାର ଦିନ ମୁଖ୍ୟ ଅତିଥି ବ୍ଲକ୍ ଅଧ୍ୟକ୍ଷା ସ୍ନେହଲତା ପ୍ରଧାନଙ୍କ ଉପସ୍ଥିତିରେ ଉଦଘାଟିତ ହୋଇଯାଇଛି । ଆୟୋଜକ ବଜାର ଆସୋସିଏସନ୍ ତିଲେଶ୍ୱର୍ ଆନୁକୁଲ୍ୟ ରେ ଅନୁଷ୍ଠିତ ଟୁର୍ଣ୍ଣାମେଣ୍ଟରେ ପ୍ରଥମେ ଜଗତର ନାଥ ଜଗନ୍ନାଥଙ୍କ ମନ୍ଦିରରୁ ଦିବ୍ୟଯୋତିକୁ ବିରାଟ ଶୋଭାଯାତ୍ରାରେ ଖେଳ ପଡିଆ ମଞ୍ଚରେ ଅବସ୍ଥାପିତ କରିବା ପରେ ମଞ୍ଚାସୀନ ଅତିଥି ମାନଙ୍କ ଦ୍ୱାରା ପ୍ରଦୀପ ପ୍ରଜ୍ଜ୍ୱଳନ ଓ ଖେଳ ପତାକା ଉତ୍ତୋଳନ କରି ଖେଳକୁ ଶୁଭଉଦଘାଟନ କରାଯାଇଥିଲା । ତତ୍ ପରେ ଆଜିର ପ୍ରଥମ ମ୍ୟାଚରେ ଉଭୟ ଦଳର ଖେଳାଳି ପଡ଼ିଆ ମଧ୍ୟକୁ ପ୍ରବେଶ କରିବା ସହିତ ଜାତୀୟ ସଙ୍ଗୀତ ଗାନ ଓ ଖେଳାଳିଙ୍କ ମଧ୍ୟରେ ଅତିଥି ପରିଚୟ କରାଯାଇଥିଲା ।
ଉଦଘାଟନୀ ଦିବସରେ ମୁଖ୍ୟ ଅତିଥିଙ୍କ ସମେତ ସମ୍ମାନିତ ଅତିଥିଭାବେ ବଜାର ଆସୋସିଏସନ୍ର ସଭାପତି ଅର୍ଜୁନ ପ୍ରଧାନ, ରାମଗଡ଼ ପଞ୍ଚାୟତ ସରପଞ୍ଚ ପ୍ରବାସିନି ଯୋଶୀ, ଲୁଣିବାହାଲ ସରପଞ୍ଚ ଚନ୍ଦ୍ରମା ପ୍ରଧାନ ତିଲେଶ୍ୱର ସମିତିସଭ୍ୟକ୍ଷ ସାବିତ୍ରୀ ବେହେରା ଯୋଗ ଦେଇଥିଲେ । ଉଦଘାଟନୀ ମ୍ୟାଚ୍ରେ ସୋନପୁର ଜୟଦୁର୍ଗା କ୍ଳବ ଭରସେସ ତିଲେଶ୍ୱର୍ ଏଫ.ସି ମଧ୍ୟରେ ରୋମାଞ୍ଚକର ଖେଳ ଦେଖିବାକୁ ମିଳିଥିଲା । ତିଲେଶ୍ୱର୍ ଦଳ ପକ୍ଷରୁ ମଧ୍ୟାନ୍ତର ପୂର୍ବରୁ ୧୧ ନମ୍ବର ଜର୍ସି ଖେଳାଳି ପ୍ରଥମ ସ୍କୋର ଓ ଏହାର ଚାରି ମିନିଟ୍ ପରେ ୧୭ ନମ୍ବର ଜର୍ସି ଖେଳାଳି ଦ୍ୱିତୀୟ ଗୋଲ ସ୍କୋର କରିଥିଲେ । ଖେଳର ନିର୍ଦ୍ଧାରିତ ସମୟର ଅଧମିନିଟ ପୂର୍ବରୁ ସୋନପୁର ଦଳ ୨ଗୋଟି ଗୋଲ ସ୍କୋର କରି ସମାନ ସ୍ଥିତିରେ ପହଂଚି ଥିଲେ । ଶେଷରେ ଷ୍ଟ୍ରାଇକ ବେକରରେ ସୋନପୁର ୪-୧ ଗୋଲ ସ୍କୋର କରି ବିଜେତା ହୋଇଥିଲେ । ଆସନ୍ତାକାଲି ଖୋର୍ଦ୍ଧା ରଘୁନାଥ କ୍ଳବ ସହିତ ସମ୍ବଲପୁର ମର୍ଣ୍ଣିଙ୍ଗ କ୍ଳବ ମଧ୍ୟରେ ଖେଳ ହେବା ନେଇ ଆସୋସିଏସନ ପକ୍ଷରୁ ସୂଚନା ଦିଆଯାଇଛି ।
