ବାଲିଗୁଡ଼ା: ଆଜି ଉପଜିଲ୍ଲାପାଳ ତଥା ନିର୍ବାଚନ ଅଧିକାରୀ ଶ୍ରୀମତୀ ମଧୁମିତଙ୍କ ଅଧ୍ୟକ୍ଷତାରେ ସମ୍ମିଳନୀ କକ୍ଷଠାରେ ସକାଳ ୧୦ ଘଟିକା ୩୦ ମିନିଟ ସମୟରେ ବାଲିଗୁଡା ଏବଂ ଘୁ. ଉଦୟଗିରି ନିର୍ବାଚନ ମଣ୍ଡଳୀ ଅନ୍ତର୍ଗତ ସମୁଦାୟ ୪୧୯ ଗୋଟି ବୁଥର ସମସ୍ତ ମତଦାତାଙ୍କ ଚୂଡାନ୍ତ ଭୋଟର ତାଲିକା ପ୍ରକାଶିତ ହୋଇଛି । ପ୍ରକାଶନ ପରେ ଏହି ତାଲିକାର ନକଲ ସମସ୍ତ ଗୋଷ୍ଠୀ ଉୟନ ଅଧିକାରୀଙ୍କ କାର୍ଯ୍ୟାଳୟ, ବିଜ୍ଞାପିତ ଅଂଚଳ ପରିଷଦ କାର୍ଯ୍ୟାଳୟ ଏବଂ ଭୋଟ ଗ୍ରହଣ କେନ୍ଦ୍ର (ବୁଥ) ମାନଙ୍କରେ ମତଦାତାଙ୍କ ଅବଗତି ନିମନ୍ତେ ଉପଲବ୍ଧ ହେବ ।
କାର୍ଯ୍ୟକ୍ରମରେ ସହାୟକ ଜିଲ୍ଲାପାଳ ଶ୍ରୀ ରୂପକ କୁଜୁର ଉପସ୍ଥିତ ରହି ସମସ୍ତ ସୂଚନା ପ୍ରଦାନ କରିଥିବା ବେଳେ ବାଲିଗୁଡା ଏବଂ ଘୁ. ଉଦୟଗିରି ନିର୍ବାଚନ ମଣ୍ଡଳୀର ସମସ୍ତ ରାଜନୈତିକ ଦଳର ପ୍ରତିନିଧ ଉପସ୍ଥିତ ରହି ଚିଠା ଭୋଟର ତାଲିକା ପ୍ରକାଶ କରିବା ସହ ଭୋଟର ତାଲିକା ଗୁଡିକୁ ଉପଜିଲ୍ଲାପାଳଙ୍କଠାରୁ ଗ୍ରହଣ କରିଥିଲେ ।
