ପୁରୀ : ପୁରୀ ଜିଲ୍ଲା ଛାତ୍ର ଓ ମହିଳା କଂଗ୍ରେସ ପକ୍ଷରୁ ପୁରୀ ଆଚାର୍ଯ୍ୟ ହରିହର ଛକ ନିକଟସ୍ଥ ଗୋପାଳ ବଲ୍ଳଭ ରୋଡ଼ ପାଖରେ ଥିବା ଏକ ବିଦେଶୀ ମଦ ଦୋକାନ ଦାବିରେ ବିକ୍ଷୋଭ ପ୍ରଦାନ କରାଯାଇଛି | ସ୍ଥାନୀୟ ଅଞ୍ଚଳରେ ଏହି ମଦ ବିକ୍ରି ଦ୍ୱାରା ଅଞ୍ଚଳ ବାସୀ ପ୍ରଭାବିତ ହେଉଥିବା ବେଳେ ବିଭିର୍ନ ସମୟରେ ବିଭିର୍ନ ଅଭିଯୋଗ ନଜର କୁ ଆସିଛି | ମଦ ଦୋକାନ ନିକଟରେ ଏକ ହୋମିଓ ପାଥି ଡାକ୍ତର ଖାନା ଥିବା ସତ୍ୱେ ସରକାରୀ ନିୟମକୁ ଉଲଂଘନ କରି କିଭଳି ମଦ ଦୋକାନ ଖୋଲିଛି ତାହା ଏବେ ବଡ଼ ପ୍ରଶ୍ନବାଚୀ ସୃଷ୍ଟି କରିଛି | ତେବେ ପ୍ରଶାସନ ପକ୍ଷରୁ ମଦ ଦୋକାନକୁ ବନ୍ଦ କରିବା ଏବଂ ଉଛେଦ କରିବା ନେଇ ଯୁବ କଂଗ୍ରେସ ପକ୍ଷରୁ ଦାବି କରାଯାଇଥିବା ବେଳେ ମଦ ଦୋକାନ ହୋଇଥିବା ଜମି ବିବାଦୀୟ ଥିବା ଅଭିଯୋଗ ଆସିଛି | ବିବାଦୀୟ ଜମିରେ କିଭଳି ମଦ ଦୋକାନ ଖୋଲିବାକୁ ଲାଇସେନ୍ସ ପ୍ରଦାନ କରାଯାଇଛି ତାହାକୁ ନେଇ ଯୁବ ଓ ଛାତ୍ର କଂଗ୍ରେସ ପ୍ରଶ୍ନ ଉଠାଇଛନ୍ତି |ସେହିଭଳି ଗତ ୨ଦିନ ତଳେ ଅନ୍ୟଏକ ମଦ ଦୋକାନ ବନ୍ଦ ପାଇଁ ଆନ୍ଦୋଳନ କରିଥିବା ବ୍ୟକ୍ତି ବିଶେଷଙ୍କ ଜାଗାରେ କିଭଳି ମଦ ଦୋକାନ ଖୋଲା ଯାଇଛି ତାହାକୁ ନେଇ ପ୍ରଶ୍ନ ଉଠାଇଛନ୍ତି ସ୍ଥାନୀୟ ବାସିନ୍ଦା।ଅନ୍ୟପଟେ ସ୍ଥାନୀୟ ପୂର୍ବତନ କାଉନସିଲର ମଧ୍ୟ ଏହି ମଦ ଦୋକାନକୁ ବନ୍ଦ ନେଇ ଦାବି କରିଥିବା ବେଳେ ଆଜି ଦୋକାନ ସମ୍ମୁଖରେ ତୀବ୍ର ବିରୋଧ କରି ବିକ୍ଷୋଭ ପ୍ରଦର୍ଶନ କରିଛନ୍ତି | ତେବେ ଘଟଣା ସ୍ଥଳରେ ପୋଲିସ ପହଞ୍ଚି ବିରୋଧ କାରୀଙ୍କୁ ବୁଝାସୁଝା କରିଥିବା ଜଣାପଡିଛି |
