ସୁବର୍ଣ୍ଣପୁର,୧୬/୧:- ଚଳିତମାସ ୧୧ ରୁ ୧୩ ତାରିଖ ପର୍ଯ୍ୟନ୍ତ ତିନିଦିନ ଧରି ରାୟଗଡ଼ା ଜିଲ୍ଲା ବିଜୁ ପଟ୍ଟନାୟକ ପ୍ରେକ୍ଷାଳୟରେ ଅନୁଷ୍ଠିତ ହୋଇଯାଇଛି । ଏଥିରେ ଓଡ଼ିଶା ସମେତ ୧୨ଟି ରାଜ୍ୟର ମୋଟ ୨୬୯ଜଣ ପ୍ରତିଯୋଗୀ ଏବଂ ୧୦୦ଜଣ ପରିଚାଳନା ଅଧିକାରୀ ଯୋଗ ଦେଇଥିଲେ । ଏହି ପ୍ରତିଯୋଗିତାରେ ସୋନପୁର କରାଟେ କୋଚ୍ ସୁରଜ ପୁଝାରୀ ଓ ସୁଶାନ୍ତ କୁମ୍ଭାର ନେତୃତ୍ୱରେ ୩ ଜଣ ଖେଳାଳି ପ୍ରତିଯୋଗିତାରେ ଅଂଶଗ୍ରହଣ କରି ୩ ଜଣ ସ୍ୱର୍ଣ୍ଣ ପଦକ ହାସଲ କରିଛନ୍ତି । ନିମାଇଁ ମହାକୁର ପାରମ୍ପରିକ ବ୍ୟାୟାମରେ ଗୋଟିଏ ସ୍ୱର୍ଣ୍ଣ ପଦକ, ସଙ୍ଗମ ପ୍ରସାଦ ମେହେର ୨ ଟି ଲୋକକଳା ବ୍ୟାୟାମରେ ଗୋଟିଏ ସ୍ୱର୍ଣ୍ଣ ପଦକ ଓ ପାରମ୍ପରିକ ବ୍ୟାୟାମରେ ଗୋଟିଏ ସ୍ୱର୍ଣ୍ଣ ପଦକ , ନିମାଇଁ ଚରଣ ମହାଲିଙ୍ଗ ୨ ଟି ସ୍ୱର୍ଣ୍ଣ ପଦକ ଗୋଟିଏ ୟୋଗିକ ବ୍ୟାୟାମ ଓ ଗୋଟିଏ ଲୋକକଳା ବ୍ୟାୟାମରେ ସର୍ବମୋଟ ୫ ଟି ସ୍ୱର୍ଣ୍ଣ ପଦକ ହାସଲ କରିଛନ୍ତି । ଏହା ସହିତ ନିମାଇଁ ମହାକୁର ପ୍ରଥମ ଡନ ବ୍ଲାକ୍ ବେଲ୍ଟ ହାସଲ କରିଛନ୍ତି । ଏହି ସଫଳତା ପାଇଁ ଅନୁଷ୍ଠାନ ସଭାପତି ସୁକାନ୍ତ ସାହୁଙ୍କ ସହିତ ସୁବର୍ଣ୍ଣପୁର ସହରର ଜନସାଧାରଣଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି ।
