ହରଭଙ୍ଗା : ବୌଦ୍ଧ ବନଖଣ୍ଡ ସଦର ରେଞ୍ଜ ରାଇପୁର ଗ୍ରାମରୁ ବୁଧବାର ଦିନ ରାଜେନ୍ଦ୍ର ବେହେରାଙ୍କ ଘରୁ ୨କେଜିରୁ ଉଦ୍ଧ୍ୱର୍ ଜଙ୍ଗଲୀ ବାରାହା ମାଂସ ଜବତ କରିଥିବା ଜଣାପଡିଛି । ମିଳିଥିବା ସୂଚନା ମତେ ରାଇପୁର ଗ୍ରାମର ରାଜେନ୍ଦ୍ର ବେହେରା ନିଜ ଘରେ ଜଙ୍ଗଲୀ ବାରହା ମାଂସ ଆଣି ରୋଷେଇ କରିଥିବା ବେଳେ କୌଣସି ସୂତ୍ରରୁ ବନ ବିଭାଗ ଖବର ପାଇ ଘରେ ଚଢ଼ାଉ କରିବା ସହ ରୋଷେଇ ପାଇଁ ପ୍ରସ୍ତୁତ ହେଉଥିବା ମାଂସକୁ ଜବତ କରି ଯୁବକଙ୍କୁ ଗିରଫ କରିଥିଲା । ଜବତ ମାଂସ ୨କେଜି ୨୦୦ ଗ୍ରାମ ହୋଇଥିବା ବିଭାଗ ପକ୍ଷରୁ ସୂଚନା ମିଳିଛି । ଏହି ଚଢ଼ାଉ ସମୟରେରେ ବୌଦ୍ଧ ବନ ବିଭାଗର ଏସିଏଫ ଆଶିଷ କହଁର, ଅର୍ଚ୍ଚନା ଗମାଙ୍ଗ, ଫରେଷ୍ଟର ସ୍ୱାଧୀନ ସାମଲ, ଗାର୍ଡ ସୁବ୍ରତ ପ୍ରଧାନ, ପ୍ରଦୀପ ସାହୁ, ଅଜିତ ଆଚାର୍ଯ୍ୟ ପ୍ରମୁଖ ସାମିଲ ଥିଲେ ।
