ପୁରୀ : ପବିତ୍ର ମହା ଶିବରାତ୍ରୀ ଅବସରରେ ଏକ ନିଆରା ଢଙ୍ଗରେ ଭକ୍ତଙ୍କୁ ପବିତ୍ର ଶିବ ରାତ୍ରୀର ଶୁଭେଚ୍ଛା ଦେଇଛନ୍ତି ବାଲୁକା ଚିତ୍ର ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ପବିତ୍ର ଶିବ ରାତ୍ରୀ ଅବସରରେ ପୁରୀର ନିଳାଦ୍ରୀ ବିଚ୍ରେ ଏକ ବିଶାଳ ବାଲୁକା ଚିତ୍ରକଳା କରିଛନ୍ତି ସୁଦର୍ଶନ । ଦେବ ଦେବ ମହାଦେବଙ୍କ ଏକ ବିରାଟ ବାଲୁକା ଚିତ୍ରକଳା ନିର୍ମାଣ କରିଛନ୍ତି । ଯେଉଁ ଥିରେକି ୫ ସହ ଶିବ ଲିଙ୍ଗ ସ୍ଥାନ ଦିଆଯାଇଛି । ଯାହାକି ବାଲୁକା ଚିତ୍ରକଳାର ସୌନ୍ଦର୍ଯ୍ୟକୁ ବହୁ ଗୁଣୀତ କରିଚି । ଯାହାକୁ ଦେଖିବା ପାଇଁ ପୁରୀର ନିଳାଦ୍ରୀ ବିଚ୍ ରେ ପର୍ଯ୍ୟଟକଙ୍କ ବେଶ୍ ଭିଡ଼ ଜମିଥିଲା । ଏହି ଅବସରରେ ବାଲୁକା ଚିତ୍ର ଶିଳ୍ପୀ ସୁଦର୍ଶନ କହିଛନ୍ତି ପବିତ୍ର ମହଶିବରାତ୍ରୀକୁ ନେଇ ସାରା ଦେଶ ଉତ୍ସବ ମୁଖରିତ । ସାରା ଦେଶ ବାସୀଙ୍କୁ ସୁଖ ସମୃଦ୍ଧି ପ୍ରଭୁ ପ୍ରଦାନ କରନ୍ତୁ ବୋଲି ସୁଦର୍ଶନ ବାଲୁକା ଚିତ୍ର କଳା ମାଧ୍ୟମରେ ପ୍ରାର୍ଥନା କରୁଥିବା ସେ କହିଛନ୍ତି ।
