ସୁବର୍ଣ୍ଣପୁର : ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଥାନା ଅର୍ନ୍ତଗତ ମେଟାକାନୀ ଠାରେ ଘଟିଯାଇଛି ଏକ ଅଭାବନୀୟ ଘଟଣା। ପିକଅପ ଧକ୍କାରେ ୩ଜଣଙ୍କ ମୃତ୍ୟୁ ହୋଇଥିବାବେଳେ ଜଣଙ୍କର ଗୁରୁତର ହୋଇଥିବା ଜଣାପଡିଛି। ଆଜି ୩ଟା ୩୦ମି ସମୟରେ ମେଟାକାନୀ ଠାରେ ଏକ ଚା ଦୋକାନରେ କିଛି ଲୋକ ଚା ପିଉଥିଲେ। ସେହି ସମୟରେ ଦ୍ରୁତ ଗତିରେ ଯାଉଥିବା ଏକ ପିକଅପ ଚା ପିଉଥିବା ଲୋକମାନଙ୍କ ଉପରେ ମାଡି ଯିବା ସହ କିଛି ବାଇକ୍ ଓ ଏକ ଟେମ୍ପୋକୁ ଧକ୍କା ଦେଇ ଫେରାର ହୋଇଥିଲା। ଘଟଣାସ୍ଥଳରୁ ୪ଜଣଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ଆଣି ସଦର ଡ଼ାକ୍ତରଖାନାରେ ଭର୍ତି କରାଯାଇଥିଲା। ମାତ୍ର ଡାକ୍ତର ପ୍ରାଥମିକ ଚିକିତ୍ସା କଲାପରେ ୩ଜଣଙ୍କୁ ମୃତ ଘୋଷଣା କରିଥିବା ବେଳେ ଆଉ ଜଣଙ୍କ ଅବସ୍ଥା ଗୁରୁତର ଥିବା ଜଣାପଡିଛି। ମୃତକ ହେଲେ ଦେବାନନ୍ଦ ସୁରୁଜାଲ୍, ଶୁସାନ୍ତ ସାହୁ , ରାଜେଶ କୁମ୍ଭାର ଓ ଗୁରୁତର ଅବସ୍ଥାରେ କିରଣ କୁମ୍ଭାର ଚିକିତ୍ସା ହେଉଛନ୍ତି। ଅତିଶୀଘ୍ର ଦୋଷୀକୁ ଧରି କଡ଼ା କାର୍ଯ୍ୟାନୁଷ୍ଠାନ ନେବାକୁ ଦାବି ହେଉଛି।
