ବୌଦ୍ଧ, ୧୯/୭ – ବୌଦ୍ଧ ଜିଲ୍ଲାରେ ଆଜିର ୮ ପଜିଟିଭଙ୍କୁ ମିଶାଇ କରୋନା ଆକ୍ରାନ୍ତ ସଂଖ୍ୟା ୭୭ ରେ ପହଞ୍ଚିଥିବାବେଳେ ସେଥିମଧ୍ୟରୁ ଲୋକାଲ୍ ପଜିଟିଭ ସଂଖ୍ୟା ୨୦ କୁ ଛୁଇଁଛି । ଜିଲ୍ଲା ପ୍ରଶାସନ ତରଫରୁ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଗଣମାଧ୍ୟମକୁ ଦେଇଥିବା ତଥ୍ୟ ଅନୁଯାୟୀ ୭୭ ପଜିଟିଭଙ୍କ ମଧ୍ୟରୁ କ୍ୱାରେଣ୍ଟାଇନରୁ ୫୧ ଜଣ, ହୋମ୍ କ୍ୱାରେଣ୍ଟାଇନରୁ ୫ ଜଣ, ଲୋକାଲରୁ ୨୦ ଜଣ ଓ ଜଣେ ସ୍ୱାସ୍ଥ୍ୟ ବିଭାଗ କର୍ମଚାରୀ ଅଛନ୍ତି । ଆଜି ସୁଦ୍ଧା ଜିଲ୍ଲାକୁ ବାହାର ରାଜ୍ୟରୁ ୪୪୪୮ ଜଣ ପ୍ରବାସୀ ଆସିଛନ୍ତି । ସେଥି ମଧ୍ୟରୁ ବର୍ତ୍ତମାନ ବିଭିନ୍ନ ସଙ୍ଗରୋଧ କେନ୍ଦ୍ରରେ ଆଉ ମାତ୍ର ୯୨ ଜଣ ଅଛନ୍ତି । ଜିଲ୍ଲାରୁ ମୋଟ ୨୭୮୧ ଜଣଙ୍କ ସ୍ୱାବ ନମୂନା ସଂଗ୍ରହ କରି ପରିକ୍ଷାପାଇଁ ପଠା ଯାଇଥିବା ବେଳେ ୨୫୧୪ ଗୋଟି ନେଗେଟିଭ, ୭୭ ଟି ପଜିଟିଭ ଆସିଥିବା ସୂଚନା ମିଳିଛି । ବାକି ୧୯୦ ଗୋଟି ସ୍ୱାବର ରିପୋର୍ଟ ଆସିବାକୁ ବାକି ଅଛି । ମୋଟ୍ ୭୭ ପଜିଟିଭଙ୍କ ମଧ୍ୟରୁ ୫୦ ଜଣ ସୁସ୍ଥ ହୋଇ ଘରକୁ ଫେରି ସାରିଥିବାବେଳେ ବାକି ୨୭ ଜଣଙ୍କ ଚିକିତ୍ସା ବୌଦ୍ଧ କୋଭିଡ ହେଲଥ ସେଣ୍ଟରରେ ଚାଲିଛି ।
