ବୌଦ୍ଧ : ଗତକାଲି ୯ଜଣ କରୋନା ପଜିଟିଭ ଚିହ୍ନଟ ହେବା ପରେ ବୌଦ୍ଧ ଜିଲ୍ଲାରେ ଆଜି ପୁଣି ୫ ଜଣ କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଅଛି । ଆଜି ବାହାରିଥିବା ପଜିଟିଭଙ୍କ ମଧ୍ୟରୁ ରଇଠାଣି, ପୁରୁଣାକଟକ, ମାଉଲିସିଙ୍ଗା, ବଉଦ ସହର ନୂଆ ମେଡିକାଲ୍ କଲୋନୀ ଓ ଜଗଦୀଶପୁର୍ ଗ୍ରାମରୁ ଜଣେ ଜଣେ ବ୍ୟକ୍ତି ପଜିଟିଭ ଚିହ୍ନଟ ହୋଇଛନ୍ତି । ସମସ୍ତେ ପୁର୍ବ ସଂକ୍ରମିତ ବ୍ୟକ୍ତିଙ୍କ ସଂସ୍ପର୍ଶରେ ଆସିଥିବା ସୂଚନା ଦେଇଛନ୍ତି ସିଡିଏମଓ ତ୍ରିଲୋଚନ ପ୍ରଧାନ । ଗତକାଲି ପ୍ରଶାସନକୁ ସୂଚନା ମିଳିବା ପରେ ସନ୍ଧ୍ୟାରେ ଆଣି ସମସ୍ତ ପଜିଟିଭଙ୍କୁ ବୌଦ୍ଧ କୋଭିଡ ହେଲଥ ସେଣ୍ଟରରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।
