ନିୟନ୍ତ୍ରିତ ହେଉ ନାହିଁ ବେଆଇନ ବନ୍ଧୁକ କାରବାର ପୁଲିସ ଦ୍ୱାରା ନିୟମିତ ଧରପକଡ଼ ଜାରି

0 232

ସମ୍ବଲପୁର, ନିର୍ବାଚନ କୁ ଆଖି ଆଗରେ ରଖି ଜିଲ୍ଲା ପୁଲିସ ପକ୍ଷରୁ ନିୟମିତ ଧରପକଡ଼ ଜାରି ରହିଥିବା ସ୍ବତ୍ତେ ବେଆଇନ ବନ୍ଧୁକ କାରବାର ନିୟନ୍ତ୍ରଣ ରେ ଆସୁ ନାହିଁ । ଗତକାଲି ପୁଲିସ ଏକ ଗୁପ୍ତ ସୂଚନା ପାଇ ସ୍ଥାନୀୟ ଜୁଜୁମୁରା ଥାନା ଅନ୍ତର୍ଗତ ଟାମ୍ପରସିଂହ ଗ୍ରାମରେ ଚଢ଼ାଉକରି ଏକ ବେଆଇନ ଦେଶି ବନ୍ଧୁକ ଜବତ କରିବା ସହ ସେଠାରେ ଶିବଶଙ୍କର ମେହେର ନାମକ ଜଣେ ବ୍ୟକ୍ତି କୁ ଗିରଫ କରିଛି । ଜୁଜୁମୁରା ଥାନାରେ ଏ ବାବଦରେ ଏକ ମାମଲା ରୁଜୁ କରି ପୁଲିସ ଅଭିଯୁକ୍ତକୁ କୋର୍ଟ ଚାଲାନ ରେ ପଠାଇ ଦେଇଛି ।

hiring

ପ୍ରାପ୍ତ ସୂଚନା ଅନୁସାରେ ବିଗତ କିଛି ଦିନ ହେଲା ଜିଲ୍ଲା ରେ ବେଆଇନ ବନ୍ଧୁକ କାରବାର ରେ ବୃଦ୍ଧି ସହିତ ବନ୍ଧୁକ ମୁନରେ ଲୁଟ ଓ ଛିନତାଇ ଘଟଣା ବଢ଼ିବାରେ ଲାଗିଛି । ଗତ ପ୍ରାୟ ମାସେ ଭିତରେ ପୁଲିସ ପକ୍ଷରୁ ଚଢ଼ାଉ ବଳରେ ଚାରି ଟି ବିଦେଶୀ ବନ୍ଧୁକ ସମେତ ମୋଟ ତେରଟି ବେଆଇନ ବନ୍ଧୁକ ଜବତ କରାଯାଇଛି ତଥାପି ଏହି କାରବାର ପୁଲିସ ନିୟନ୍ତ୍ରଣ ବାହାରେ ରହିଥିବା ଜଣାଯାଏ । ଗତବର୍ଷ ସର୍ବମୋଟ ୩୭ଟି ବେଆଇନ ବନ୍ଧୁକ ଜବତ ହୋଇ ଥିବା ବେଳେ ଏ ବର୍ଷ ଜାନୁଆରୀ ମାସରୁ ଏ ପର୍ଯ୍ୟନ୍ତ ସର୍ବମୋଟ ପନ୍ଦର ଟି ବେଆଇନ ବନ୍ଧୁକ ଜବତ କରା ଯାଇଛି ଓ ସେ ମଧ୍ୟରୁ ୧୪ ଟି ତ ଗତ ମାସେ ଭିତରେ ଜଵତ ହୋଇଛି ।

ବେଆଇନ ବନ୍ଧୁକ କାରବାର ଧରିବାରେ ଏତେ ବିପୁଳ ସଫଳତା ପାଇଥିଲେ ମଧ୍ୟ ଏସବୁ କେଉଁଠାରୁ ଆସୁଛି, ତାର ଟେର ପୁଲିସ ପାଇ ପାରୁ ନାହିଁ । ଗତବର୍ଷ ପଡୋଶୀ ରାଜ୍ୟ ଝାରଖଣ୍ଡ ରୁ ଏକ କାର ଯୋଗେ ବେଆଇନ ବନ୍ଧୁକ ଚାଲାନ ମାମଲାରେ ପୁଲିସ ଏଠାରେ ସେହି କାର ସହିତ ଚୋରା ଚାଲାନକାରୀ କୁ ଧରିଥିଲା କିନ୍ତୁ ଏହି କାରବାର ରେ ଲିପ୍ତ ଆଉ କାହାକୁ ଧରିବାରେ ଏ ପର୍ଯ୍ୟନ୍ତ କୌଣସି ସଫଳତା ପାଇ ପାରି ନାହିଁ ।

ଯଦି ବେଆଇନ ବନ୍ଧୁକ କାରବାର ଏହି ପ୍ରକାରେ ନିୟନ୍ତ୍ରଣ ବାହାରେ ରହିବ, ତାହେଲେ ଆଗାମୀ ଦିନରେ ନିର୍ବାଚନୀ ଝଗଡ଼ା ନାମରେ ବନ୍ଧୁକ ଗୁଳି ଫୁଟିବ, ଏହା ଅବଶ୍ଯମ୍ଭାବି ।

hiranchal ad1
Leave A Reply

Your email address will not be published.

4 × five =