ଭୁବନେଶ୍ୱର : ରାଜ୍ୟ ସରକାର ଓଏଏସ ଅଫିସରସ୍ତରରେ ଏକ ଛୋଟ ଅଦଳବଦଳ କରିଛନ୍ତି । ଓଏଏସ ଅଫିସର କଳ୍ପତରୁ ବେହେରାଙ୍କୁ କଟକ ମହାନଗର ନିଗମର ଅତିରିକ୍ତ କମିଶନର ଭାବେ ବଦଳି କରାଯାଇଛି । ଏନେଇ ସରକାରଙ୍କ ପକ୍ଷରୁ ବିଧିବଦ୍ଧ ଭାବେ ବିଜ୍ଞପ୍ତି ପ୍ରକାଶ ପାଇଛି ।
ବିଜ୍ଞପ୍ତି ଅନୁଯାୟୀ, ଅବିନାଶ ବେହେରାଙ୍କୁ ଏସସିବି ରେଜିଷ୍ଟ୍ରାର ଭାବେ ଦାୟିତ୍ୱ ଦିଆଯାଇଛି । ଓଏଏସ ଅଫିସର ଦିଲୀପ କୁମାର ମହାରଣାଙ୍କୁ ସାଧାରଣ ପ୍ରଶାସନ ବିଭାଗର ଓଏସଡ଼ି କରାଯାଇଛି । ଅପରପକ୍ଷରେ ଓଏଏସ ଅଧିକାରୀ କ୍ଷୀରାବ୍ଦୀ ବେହେରାଙ୍କୁ ମାଲକାନାଗିରି ଅତିରିକ୍ତ ପିଡ଼ି ଡିଆରଡିଏ ଭାବେ ଅବସ୍ଥାପିତ କରାଯାଇଛି ।
ଏହାଛଡ଼ା ଓଏଏସ ଅଫିସର ତ୍ରିନାଥ ମାଝୀଙ୍କୁ ମାଲକାନଗିରି ଆଇଟିଡ଼ିଏର ପିଏ ଭାବେ ବଦଳି କରାଯାଇଛି । ସେହିପରି ଫାଲଗୁନୀ ମାଝୀଙ୍କୁ ଗଜପତି ଆଇଟିଡ଼ିଏର ପିଏ ଭାବେ ଦାୟିତ୍ୱ ଦିଆଯାଇଛି ।
