ନୂଆଦିଲ୍ଲୀ: ଆଫଗାନିସ୍ତାନକୁ ଦଖଲ କରି ରାଜ୍ କରୁଛି ତାଲିବାନ । କିନ୍ତୁ ଏଭିତରେ ତାଲିବାନକୁ ଲାଗିଛି ଏକ ଶକ୍ତ ଝଟକା । ଆଫଗାନିସ୍ତାନ ଦଖଲ କରିବା ପରେ ଚାରିଆଡୁ ବଢ଼ିଛି ତାଲିବାନର ଅଡୁଆ । ଯଦିଓ ତାଲିବାନ ୨୦ ବର୍ଷ ପରେ ଆଫଗାନିସ୍ତାନକୁ ଫେରିଛି, ତଥାପି ବର୍ତ୍ତମାନ ତାଲିବାନ ପୁରା କାଙ୍ଗାଳ ହୋଇ ରହିବ। ଆମେରିକା ୭୦୬ ବିଲିୟନ ଟଙ୍କା ମୂଲ୍ୟର ସମ୍ପତ୍ତି ଫ୍ରିଜ୍ କରିବାପରେ ଏବେ ଆଇଏମ୍ଏଫ୍ ବା ଅର୍ନ୍ତରାଷ୍ଟ୍ରୀୟ ମୁଦ୍ରାକୋଷ ତାଲିବାନକୁ ଆର୍ଥିକ ସହାୟତା ଯୋଗାଇବା ଉପରେ ରୋକ୍ ଲଗାଇଛି। ଆଇଏମଏଫ ଆଫଗାନିସ୍ତାନକୁ ସମସ୍ତ ଆର୍ଥିକ ସହାୟତା ବନ୍ଦ କରିଥିବା ନେଇ ଘୋଷଣା କରିଛି। ଏବେ ୪୬୦ ମିଳିୟନ ଆମେରିକୀୟ ଡଲାର ଅର୍ଥାତ ୪୬ କୋଟି ଡଲାର ଟଙ୍କାର ଜରୁରୀକାଳୀନ ବ୍ୟବହାର ଉପରେ ରୋକ ଲଗାଇଛି ଆଇଏମ୍ଏଫ୍।
