ଫୁଲବାଣୀ,୮/୧୦- ମାନ୍ୟବର ମୁଖ୍ୟମନ୍ତ୍ରୀ ତଥା ବିଜୁ ଜନତା ଦଳର ସଭାପତି ନବୀନ ପଟ୍ଟନାୟକଙ୍କ ଆହ୍ୱାନ କ୍ରମେ ଅକ୍ଟୋବର ୨ ଗାନ୍ଧୀ ଜୟନ୍ତୀ ଠାରୁ ନଭେମ୍ବର ୨ ପର୍ଯ୍ୟନ୍ତ ବିଭିନ୍ନ ସାମାଜିକ ସେବା କାର୍ଯ୍ୟକ୍ରମର ଆଜି ବିଜୁ ଛାତ୍ର ଜନତା ଦଳ କନ୍ଧମାଳ ଜିଲ୍ଲା ଜି. ଉଦୟଗିରି ନିର୍ବାଚନ ମଣ୍ଡଳୀ ଅନ୍ତର୍ଗତ ରାଇକିଆ ବ୍ଳକ ଛାତ୍ର ସଭାପତି ରସନ ନାୟକଙ୍କ ନେତୃତ୍ୱରେ ଜୀବନ ଜ୍ୟୋତି ମହାବିଦ୍ୟାଳୟ ଠାରେ ସଫେଇ କାର୍ଯ୍ୟକ୍ରମ କରାଯାଇଥିଲା । ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ ଛାତ୍ର ବିଜେଡି ଜିଲ୍ଲା ସଭାପତି ସୁନୀଲ ସେଠୀ, ସୁଶୀଳ ଦିଗାଲ ବିଧାୟକ ପ୍ରତିନିଧି ମିଟୁ ପଣ୍ଡା ରାଇକିଆ ବ୍ଲକ ସଭାପତି,ଅମର ସିଂ ନାୟକ ଜିଲ୍ଲା ପରିଷଦ ସଭ୍ୟ ଜି ଉଦୟଗିରି,ମିଥୁନ ଦିଗାଲ ଜିଲ୍ଲା ଯୁବ ସାଧାରଣ ସମ୍ପାଦକ, ଜୀବନ ଜ୍ୟୋତି ମହାବିଦ୍ୟାଳୟ ଅଧ୍ୟକ୍ଷ ଦିବାକର ଦାସ, ପିୟୁଷ ପ୍ରଧାନ ଉପ ସଭାପତି,ଛାତ୍ର ଉପ ସଭାପତି ଦେବାଶିଷ ବେହେରା, ପ୍ରବୀଣ ବେହେରା, ସୁବ୍ରତ ମୁଖୀ, ଅନୁପ କୁମାର ଏବଂ ମହାବିଦ୍ୟାଳୟର ସମସ୍ତ ଛାତ୍ରଛାତ୍ରୀ ଉପସ୍ଥିତ ଥିଲେ ।
