ଗଜପତି,୫/୧୧- ଗଜପତି ଜିଲ୍ଲା ଅଗ୍ରଣୀ ଆକାଂକ୍ଷା ମହିଳା ସଂଗଠନ ପକ୍ଷରୁ ପାରଳାଖେମୁଣ୍ଡି ସ୍ଥିତ ସୁପୁତ୍ର ଅନୁଷ୍ଠାନ ଦ୍ୱାରା ଚାଲିଥିବା ଆଶ୍ରା ବରିଷ୍ଠ ନାଗରିକ ଗୃହରେ ଦୀପାବଳି ପାଳନ ଉତ୍ସବ ଅନୁଷ୍ଠିତ ହୋଇଯାଇଛି । ପରିବାରର ସ୍ନେହ ମମତାରୁ ବଞ୍ଚିତ ହୋଇ ୨୫ ଜଣ ଅନ୍ତେବାସୀ ଏହି ଗୃହରେ କାଳାତିପାତ କରୁଛନ୍ତି । ଏହି ଅନ୍ତେବାସୀଙ୍କ ସହିତ ଦୀପାବଳି ମିଠା ଓ ଫଳସମୂହ ଖୁଆଇ ସେମାନଙ୍କ ସହିତ ଦୀପାବଳି ପର୍ବ ପାଳନ କରାଯାଇଛି । ଉକ୍ତ କାର୍ଯ୍ୟକ୍ରମରେ ଆକାଂକ୍ଷା ମହିଳା ସଂଗଠନର ସଭାନେତ୍ରୀ ଶ୍ରୀମତୀ ଆଶାଲତା ପାଣିଗ୍ରାହୀ, ସମ୍ପାଦିକା ଶ୍ରୀମତି ମିନା କୁମାରୀ ଟହଲ, ଉପ ସଭାନେତ୍ରୀ ଶ୍ରୀମତି ଅନିତା ମିଶ୍ର, ଉପଦେଷ୍ଟା ଡକ୍ଟର କଲ୍ୟାଣି ମିଶ୍ର, ଶ୍ରୀମତି ଭାଗ୍ୟଲକ୍ଷ୍ମୀ ନାୟକ, ଶ୍ରୀମତି ସ୍ୱର୍ଣ୍ଣପ୍ରଭା ପାଠୀ ଓ ଅନ୍ୟାନ୍ୟ କର୍ମକର୍ତ୍ତାଗଣ ଉପସ୍ଥିତ ରହି ସେମାନଙ୍କ ସହିତ କିଛି ସମୟ ବିତେଇ ଥିଲେ ଓ ଖୁସି ମନାଇଥିଲେ । ଆଶ୍ରା ଅନୁଷ୍ଠାନର ମୁଖ୍ୟପରିଚାଳକ ଶ୍ରୀ ସୀତାକାନ୍ତ ଦାସ ଓ ଅନ୍ୟାନ୍ୟ କର୍ମଚାରୀମାନେ ସଫଳ କରିବାରେ ସହଯୋଗ କରିଥିଲେ । ଶେଷରେ ଆଶ୍ରମ ଅନ୍ତେବାସୀମାନେ ଭଜନ ଓ ଜଣାଣ ପରିବେଷଣ କରିଥିଲେ ।
