କଣ୍ଟାବାଞ୍ଜି,୧୨/୧୧- ସନସାଇନ ସ୍କୁଲ ଅଧ୍ୟାପିକା ମମିତା ମେହେରଙ୍କୁ ନ୍ୟାୟ ଦାବିରେ ସିବିଆଇ ତଦନ୍ତ ଓ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ବରଖାସ୍ତ ଦାବିକରି କଂଗ୍ରେସ ଦଳ ୬ଘଣ୍ଟିଆ ବନ୍ଦ ଡାକରା ଦେଇଥିଲା । କିନ୍ତୁ ଓଡିଶା ଉଚ୍ଚନ୍ୟାୟାଳୟଙ୍କ ନିର୍ଦ୍ଦେଶକ୍ରମେ ୬ ଘଣ୍ଟିଆ ବନ୍ଦ ନ ହୋଇ ହରତାଳ ପାଳନ କରାଯାଇଥିଲା । ଏହି ପରିପ୍ରେକ୍ଷୀରେ ଆଜି କଣ୍ଟାବାଞ୍ଜି କଂଗ୍ରେସ ପକ୍ଷରୁ ଶାନ୍ତିପୂର୍ଣ୍ଣ ହରତାଳ କରାଯାଇଥିଲା । କର୍ମୀଙ୍କ ଦ୍ୱାରା ବାଇକ ରାଲି ମାଧ୍ୟମରେ ସହର ପରିକ୍ରମା କରି ରାଜ୍ୟ ସରକାରଙ୍କ ବିରୁଦ୍ଧରେ ନାରାବାଜି ଓ ଗୃହ ରାଷ୍ଟ୍ରମନ୍ତ୍ରୀଙ୍କ ବହିଷ୍କାର ଦାବିକରି ମମିତାଙ୍କ ନ୍ୟାୟ ଦାବି କରାଯାଇଥିଲା । ସହରର ସମସ୍ତ ଛୋଟବଡ଼ ବ୍ୟବସାୟୀ ନିଜ ଦୋକାନବଜାର ବନ୍ଦ ରଖି ହରତାଳକୁ ସମର୍ଥନ କରିଥିବା ଦେଖିବାକୁ ମିଳିଥିଲା । ଯାନ ବାହାନ, ବସ ଚଳାଚଳ, ବ୍ୟାଙ୍କ ମଧ୍ୟ ଶାନ୍ତିପୂର୍ଣ୍ଣ ବନ୍ଦ ରହିଥିବା ଦେଖିବାକୁ ମିଳିଥିଲା ।
